REVISTA ESCOLAR 2025

 

PRESENTACIÓN DO LIBRO DE SASHA RUANO

 

Este é Sasha Ruano, alumno de 5º de Educación Primaria. Presentou na biblioteca o seu primeiro libro titulado "La gran aventura de Nata" que fixo durante estes dous últimos cursos coa colaboración do seu irmán Denis que fixo as ilustracións e que tamén foi alumno do noso centro. O orientador Sergio animouno a escribilo cando descubriu o seu gusto e boa capacidade para a escritura. O Equipo de biblioteca ofreceulle a posibilidade de publicalo financiando os primeiros exemplares. Quedan na biblioteca e nas bibliotecas de aula do 3º ciclo a disposición de toda a comunidade educativa. 

VISITAS Á PRAZA DE ABASTOS

 

Durante este mes o alumnado dende Educación Infantil ata 4º de Educación Primaria foron invitados polo Concello a visitar á Praza de Abastos. Alí coñeceron de primeira man os productos de calidade que temos e a facer un consumo responsable. Dependendo da idade realizaron diferentes traballos deseñados polos seus titores como por exemplo identificar os diferentes postos: carnicería, peixeiría, panadería... e coñecer os nomes dos productos que se venden. Os maiores foron máis alá e tiñan que facer unha compra ficticia para elaborar unha receita concreta. 

Preme na imaxe para ver a galería de fotos.

PREMIADOS DO CONCURSO DO PASAPORTE LECTOR

 

Esta semana fixemos entrega dos premios aos gañadores do Concurso do Pasaporte Lector que realizamos ó longo de todo o curso. Preme na imaxe para ver os traballos premiados e os actos de entrega dos agasallos realizados na biblioteca entre o luns e hoxe. Ademais todos os nenos e nenas recibiron un chaveiro realizado polo alumnado voluntario do Programa de Biblioteca Creativa de 6º de Ed. Primaria co logo do proxecto deste ano.

CONCURSO DE PREGUNTAS NA BIBLIOTECA

 

 

O alumnado de 5º de Educación Primaria dedicouse este curso dende a materia de Proxecto Competencial a deseñar un xogo de preguntas sobres diversas temáticas (animais, Disney, música...) coa aplicación Kahoot. Co fin de expoñer o proxecto, invitaron ao alumnado doutras clases e niveis durante os tempos de lecer a probar sorte nesta competición e ver quen é capaz de acertar máis preguntas.

CONTACONTOS POR UN DÍA

 

Durante o mes de Maio para celebrar o Día da Familia repetimos a actividade programada no Plan de Biblioteca "Contacontos por un día".

Invitamos a pais, nais, avós, avoas... a facer contacontos nas aulas dos seus fillos/as, netos/as...

Coma sempre, foron moitos os que acudiron á nosa proposta. Algúns escolleron contos emprestados da nosa biblioteca que lles preparamos en varios expositores e outros trouxeron contos da súa casa. 

Grazas pola vosa implicación!

Preme na imaxe para ver as fotos.

COIDANDO O MEDIO AMBIENTE

 

Celebramos o Día do Medio Ambiente cunha saída organizada polo Equipo de Actividades Extraescolares e Complementarias á Illa de A Toxa. Todo o alumnado de Educación Primaria saíu do colexio ás 11:00 h dirección ás praias e zonas verdes da illa para facer limpeza do lixo. O primeiro que fixeron despois da camiñata foi repoñer enerxía tomando as merendas do tempo de lecer, logo repartidos por diferentes zonas da illa, realizouse a limpeza da praia e da zona do pinar e por último houbo tempo para xogo libre e xogos organizados.

Preme na imaxe para ver a galería de fotos.