PADRIÑOS E MADRIÑAS LECTORAS POLO DÍA DO LIBRO

 

Dende o luns 22 ata o venres 26 de Abril o Equipo de biblioteca organizou un ano máis os apadriñamentos lectores para celebrar a Semana do libro. Todos os cursos dende 4º de Infantil ata 6º de Primaria pasaron pola biblioteca, uns como padriños e madriñas e outros como afillados e afilladas. En cada quenda os maiores tiñan que sacar un papeliño ao chou dunha caixa para saber cal sería o seu afillado ou afillada. Unha vez formadas as parellas ou grupos, os máis pequenos escollían os libros que querían que lles leran os maiores. Tamén lles dimos a libertade de escoller o recuncho da biblioteca que máis lles gustaba para facer a actividade. Finalmente fixemos a foto oficial de todos xuntos no escenario do noso miniteatro. Preme na imaxe para ver a galería de fotos.

Saída cultural de 3º e 4º Primaria polo Día do libro

 O 23 de Abril, Día do libro, fomos invitados pola Biblioteca Municipal de O Grove para ver unha obra de teatro baseada no Quixote e dirixida por Laura Sarasola da compañía Pedras de Cartón. 

Galería de fotos

MOMENTOS DO PLAN LECTOR EN 2º

 

O alumnado de 2º de Educación Primaria realiza diferentes actividades no tempo chamado "a hora de ler" dentro do Plan Lector. Na súa pequena biblioteca de aula poden atopar todo tipo de libros: informativos, de ficción, revistas, xornais... Ás veces tamén traen libros da súa casa para compartir cos compañeiros en pequenos grupos, outras veces uns equipos preparan unha lectura cunha temática concreta (ex. discapacidade) para lerlles aos demáis, noutras ocasións escollen a lectura de cada un e fan debuxos para ensinar ao final da lectura... Preme na imaxe para ver a galería de fotos.

SEGUINDO O CAMIÑO DAS FORMIGAS A SANTIAGO DE COMPOSTELA

O martes 9 de Abril os membros do club de lectura de 5º e 6º de Educación Primaria realizaron  unha excursión a Santiago de Compostela con motivo da lectura do libro titulado "Formigas. Misión Camiño Santiago" de Pere Tobaruela. Compartimos a viaxe co Club de lectura do Ceip As Bizocas que tamén leron o mesmo libro e resultou unha xornada de convivencia marabillosa na que non só aprendemos a historia do Camiño e de Santiago, senón que fixemos un roteiro polo casco histórico entrando pola Porta do Camiño, atravesando rúas e vendo iglesias e capelas, varias prazas entre elas a de Cervantes para finalizar entrando na Catedral. Despois nos diriximos ao Parque da Alameda para repoñer forzas cunha boa comida. Continuamos a nosa ruta para ver estatuas como a das Marías, o noso Valle-Inclán sentado nun banco, Rosalía de Castro, Federico García Lorca.... e rematamos no parque infantil onde había moitos xogos.

Galería de fotos

Para saber todo o que facemos no club de lectura preme na pestana adicada ao mesmo

.(CLUB LECTOCREA DE ARDIA)

RECITAL DE POESÍA E SORTEO DE AGASALLOS

 Para rematar o 2º trimestre, celebramos o Día da Poesía cun recital realizado polos nenos e nenas do Club de Lectura de 5º e 6º de Educación Primaria. Fixéronse dúas quendas, a primeira para os maiores do cole e a segunda para os pequenos. Como no club de lectura están a investigar sobre a literatura grovense para o PDI 50 Anos de Historia, escolleron poemas da escritora Carmen Eva Gondar Rey do seu libro Fantasía. 

Despois do recital, aproveitamos para facer o sorteo do xogo-concurso do Día da muller.

Galería de fotos e vídeos

XOGO CONCURSO DÍA DA MULLER

 

Para celebrar o Día da Muller o Equipo de Biblioteca organizou o xa tradicional Xogo-Concurso no que todo o alumnado ten que localizar polas paredes do colexio láminas informativas sobre mulleres e cubrir unha ficha coa información que atopan nas láminas. Este ano as protagonistas investigadas foron as mestras do cole por ser a temática do proxecto: 50 Anos de Historia.

Finalmente realizouse o sorteo de agasallos entre os participantes. 

Preme na imaxe para ver a galería de fotos do xogo.

Para saber máis sobre esta conmemoración e ver outras actividades realizadas preme na pestana MULLER.

PATIOS INCLUSIVOS

A partir da Formación en Patios Inclusivos que está a realizar este curso o profesorado, comezamos a organizar bailes no tempo de lecer, na que poden participar todos os que queiran de forma libre e espontánea: mestres e alumnado disfrutando da música e do movemento. Preme na imaxe para ver a galería de fotos que iremos ampliando nos vindeiros días.

 

AVISTAMENTO DE AVES- 6º PRIMARIA

O alumnado de 6º de Educación Primaria realizou unha saída ao Observatorio de aves, preto do noso colexio. Previamente recibiron unha charla informativa  sobre as aves e as súas rutas migratorias. Logo cos prismáticos e guías en man acudiron ao Observatorio para avistar o maior número de aves, identificalas, debuxalas e anotar as súas características. Finalmente crearon un mural que está colocado no corcho da zona de interclases da planta baixa para disfrute de toda a comunidade educativa.

Preme na imaxe para ver a galería de fotos e os traballos expostos.

 

BOOKTRAILERS SOBRE EL PEQUEÑO VAMPIRO

 Hoxe os membros do club de lectura publicaron as súas creacións audiovisuais sobre a primeira lectura realizada neste curso 23-24: El pequeño vampiro.

Para saber máis sobre o programa de actividades do club síguenos na Pestana do blog da biblio: 

CLUB LECTOCREA DE ARDIA

OBRADOIRO EscornArtistas CON 6º ED. INFANTIL

O alumnado de 6º de Educación Infantil participou no obradoiro de Biblioteca Creativa chamado EscornArtistas dirixidos novamente polas especialistas en Tecnoloxía Educativa: Almu e Elena. Os obxectivos deste obradoiro son: familiarizarse, descubrir e explorar as funcionalidades do Escornabot en equipo, elaborar unha creación artística, descubrir e explorar o potencial da programación e da robótica educativa, desenvolvendo o pensamento computacional para expresarse no mundo actual.

Preme na imaxe para ver máis fotos do obradoiro.
 

OBRADOIRO DE ESCORNABOTS CON 4º PRIMARIA

O alumnado de 4º de Educación Primaria recibiu hoxe a visita de dúas especialistas en Tecnoloxía Educativa, Almu e Elena, cunha actividade nova cos escornabots chamada "EsconrnH2O". 

Os obxectivos deste obradoiro son: descubrir e explorar as funcionalidades do Escornabot, reflexionar sobre a recollida, abastecemento e saneamento da auga (afondando no ODS 6), completar, como equipo, as misións propostas para garantir a dispoñibilidade de auga e a súa xestión e saneamento e descubrir e explorar o potencial da programación (por botoeira) da robótica educativa, desenvolvendo o pensamento computacional para comprender o mundo.

Preme na imaxe para ver máis fotos do obradoiro.

 

SEMANA DA PRENSA

O Equipo de Biblioteca preparou este mural con noticias do noso colexio ó longo destes últimos 50 años para que todo o alumnado puidera ver e ler novas que foron publicadas na prensa. Preme na imaxe para ver con máis detalle as noticias.

 

MASCOTAS PARA O CONCURSO DO PINCHO

 

Espectaculares os ourizos feitos con material de refugallo e outros materiais naturais para o concurso do pincho. Os máis maiores do cole fixeron os seus traballos coa mestra de Arts e o resto trouxeron as manualidades feitas na casa en familia. O prazo para traer os traballos remata o 15 de Marzo.

Preme na imaxe para ver a galería de fotos.

FORMACIÓN DE PROFESORADO

Os mestres e mestras deste cole tamén facemos de alumnos e alumnas cando nos toca. Dentro do plan de formación permanente do profesorado deste ano estamos a preparar novidades para os tempos de lecer do vindeiro curso. Para iso estamos antes facendo un curso de formación sobre patios inclusivos, é dicir, organizar os tempos de lecer para que todos os nenos e nenas participen das actividades de ocio que se poden levar a cabo durante este periodo de tempo tan importante no seu desenvolvemento físico, psíquico e social.

 

NOVA DINÁMICA NA BIBLIO de 2º Primaria

 

Na última sesión de biblioteca do alumnado de 2º de Educación Primaria os titores destes cursos propuxéronlles unha nova actividade na que tiñan que atopar os seus libros favoritos e escribir os títulos nesta ficha: unha árbore de libros moi moi especiais para eles e elas. Preme na imaxe para acceder á galería de fotos.

ENTROIDO 2024

Celebramos finalmente o noso Entroido "50 Anos de historia" o xoves 15 de Febreiro que por motivos da mala climatoloxía tivo que realizarse no interior do ximnasio. Preme na imaxe para ver a galería de fotos e vídeos do desfile e das actuacións de Educación Infantil e as coplas de 5º e 6º de Primaria.

PROGRAMA DE RADIO ADICADO A ROSALÍA DE CASTRO

 

O alumnado de 4º de Educación Primaria investigaron sobre a vida e obra de Rosalía de Castro con motivo do Día da súa conmemoración (23 de Febreiro) e coa información atopada prepararon este programa de radio que publicamos na nosa canle de RADIO V.I.

Enlace á gravación:

https://www.ivoox.com/vida-e-obra-rosalia-castro-audios-mp3_rf_124670282_1.html

Preme na imaxe para ver a galería de fotos.

Para máis información sobre esta celebración podedes consultar a pestana adicada a esta conmemoración ROSALÍA DE CASTRO onde publicamos recursos e actividades realizadas o longo dos últimos anos.

XOGANDO CON SOGAMA

 O alumnado do 1º Ciclo de Educación Primaria recibiron unha charla sobre a Reciclaxe organizada polo Equipo de Actividades Complementarias e Extraescolares e coa formadora especialista de Sogama. 

Tralo visionado da presentación e unha chea de preguntas, pasaron á parte práctica onde xogaron a sacar lixo dunha caixa e decidir en que tipo de contedor había que botalo.

Preme na imaxe

VIAXE NO TEMPO COA CIENTÍFICA MARIE CURIE

 Que mellor maneira de celebrar o 11 F - Día da muller e a nena na ciencia que facendo un xogo?

O alumnado de 6º de Educación Primaria ofreceuse voluntario para atopar unha "peza clave" perdida nunha expedición a África no pasado e necesaria no presente para seguir co progreso científico. Eles e elas serán o grupo de sabios e sabias dirixidos pola xefa da expedición Marie Curie para atopar a peza e o regreso a casa.

Xogo ofrecido e financiado polo Concello de O Grove e que non dubidamos en participar unha vez lida a información aportada polos organizadores para traballar a igualdade cos nosos rapaces e rapazas dunha forma lúdica e inclusiva.

Galería de fotos

MANDADIÑO DO VENRES

 

Este é o último mandadiño. Cada un pode vir disfrazado do que queira.

Por otra banda, debido ao pronóstico do mal tempo para este venres, o desfile e as actuacións de Entroido quedan aplazadas para o Xoves día 15. Esperemos que saia o sol e poidamos celebrarlo coma sempre no patio do colexio.

MANDADIÑO DO XOVES

 

MANDADIÑO DO MÉRCORES

 

MANDADIÑO DO MARTES

 

MANDADIÑO DO LUNS DE ENTROIDO

 Este ano o Equipo de Actividades Extraescolares e Complementarias decidiu que o noso meco dos mandadiños fora unha meca. E que nos di? Pois que o próximo luns non hai festa pero vén con algo na testa. Mira para o sombreiro que elexiu a nosa meca!

Recorda que podes visitar a pestana adicada ao Entroido e atopar máis información sobre esta celebración e moitas ideas para crear.

CELEBRACIÓN DÍA DA PAZ 2024

 Un ano máis celebramos o Día da paz cun baile no patio do colexio. Desta vez escollimos a canción titulada Danza da Paz de Mamá Cabra. Aquí deixamos o vídeo montado polo noso Equipo de Tics.

Na pestana adicada a esta conmemoración podedes atopar recursos, contos e outras actividades realizadas ó longo destes últimos anos.

NOVA DINÁMICA NA SESIÓN DE BIBLIOTECA DE 2º PRIMARIA

Novamente compartimos outra dinámica organizada na sesión de biblioteca polos titores de 2º de Educación Primaria: Fotografía e expresión oral. Por parellas ían facendo fotos dos recunchos favoritos da biblioteca coas tablets e logo tiñan que amosarllas aos compañeiros e explicar por qué escolleron eses lugares.

 

FORMACIÓN DE RADIO CON DAMIÁN ALONSO

 O alumnado de 5º de Educación Primaria recibiu a formación de radio dentro do Programa Radio na Biblio da man do experto Damián Alonso de Ponte nas Ondas. A xornada durou toda a mañá: Primeiro recibiron formación para o uso do Audacity, logo uns coñecementos técnicos sobre a radio e practicaron as diferentes entoacións. Despois do tempo de lecer, prepararon por parellas a súa sección para realizar entre todos un programa de Diversidade Cultural no que os mestres titores, Luis e Jessica, participaron tamén facendo a presentación e a despedida. Escoitaredes temas diversos sobre O Grove, o colexio, gastronomía, entrevistas, chistes e adiviñas ... Ademáis todos foron pasando polos diferentes postos: guionistas, locutores e por último técnicos de son empregando a mesa de mesturas e o ordenador.

Deixamos aquí o enlace ao Podcasts no Valle Inclán.

Galería de fotos

NOVAS SEMENTES PARA O HORTO ESCOLAR

 

O proxecto do horto escolar segue en marcha e esta vez foi a quenda do alumnado de 6º de Educación Infantil os que comezaron a sementar chícharos nos vasos do yogur para logo levalos ao horto. Preme na imaxe para ver a Galería de fotos deste 2º trimestre.

VISITA DA ESCRITORA EVA GONDAR

 

O alumnado de 6º de Educación Primaria recibiu a visita de Eva Gondar, autora dun dos libros que este grupo de rapaces e rapazas leu no Plan Anual de Lectura : "El desván de Ary". Aproveitamos a súa visita para facerlle tamén unha entrevista no noso estudio de radio. Falaron do libro, da súa profesión como escritora e sobre todo da historia do noso cole porque ela foi unha das primeiras alumnas que estudou aquí. 

Deixamos aquí o enlace á entrevista:

https://www.ivoox.com/entrevista-a-eva-gondar-audios-mp3_rf_122652586_1.html