Programa de actividades polo SAMAÍN

Dende o Equipo de biblioteca informamos das actividades programadas polo Samaín en colaboración cos outros equipos de traballo do centro, as familias e os mestres.

Do 26 ao 31 de Outubro: Sesións de "Contacontos por un día" en Educación Infantil a cargo das familias que se ofreceron voluntarias. Durante catro días os nenos e nenas máis pequerechos do cole poderán escoitar as súas nais, pais, avoas, avós...como lles contan historias de medo.

Do 30 de Outubro ao 3 de Novembro:

1.Exposición de cabazas de Educación Infantil e Primaria.
A partires do día 30 os nenos e nenas que queiran poderán traer á escola unha cabaza decorada en relación ao noso proxecto documental: Experimento V.I.: Ciencia e tecnoloxía.

2.Ciclo de curtametraxes de medo.
Durante o tempo de lecer (12.10 a 12.40) haberá "cine de terror" na biblio. Os días 30 e 31 as curtas serán para 1º, 2º e 3º de Educación Primaria.
Os días 2 e 3 as curtas serán máis axeitadas para 4º, 5º e 6º de Educación Primaria.
O alumnado de Ed. Infantil terá tamén as súas sesións de cine nas aulas.

Na pestana adicada o Samaín do noso blogue podedes atopar recursos para traballar nas aulas ou na casa e os antigos vídeos de cursos anteriores.

Obradorio de educación afectivo-social

Durante os días 19 e 26 de Outubro levouse a cabo na biblioteca uns obradoiros de educación afectivo-social dirixidos ao alumnado de 5º e 6º de Educación Primaria e dinamizados pola psicóloga Beatriz Pérez Fernández.

O obxectivo principal destes obradorios foi facilitar un espazo para o autocoñecemento, onde fomentar unha boa autoestima e unha autoimaxe positiva, promovendo simultaneamente o recoñecemento das demais persoas e reforzando os vínculos de amizade dende relacións horizontais. Unha oportunidade para cuestionar mitos e estereotipos que limitan a liberdade e o benestar das persoas, partindo da realidade e dos coñecementos previos do alumnado.

As actividades dinámicas e participativas foron a clave para adquisición dunhas aprendizaxes realmente significativas.

24 de Outubro, "Hospital de libros" para celebrar o Día das bibliotecas

Unha vez máis tivemos a sorte de contar coas responsables da Biblioteca Municipal de O Grove para celebrar o Día das bibliotecas. Nesta ocasión a actividade de formación de usuarios recibida polo alumnado de 6º de Primaria levaba por título : Hospital de libros. Aprenderon os nomes das partes de que consta un libro e ademais fixeron diagnósticos para arranxar os máis estragados.

RECURSOS PARA O DÍA DA ALIMENTACIÓN (16 DE OUTUBRO)

O 16 de Outubro celébrase o Día Mundial da alimentación, proclamado en 1979 pola Organización das Nacións Unidas para a Agricultura e a Alimentación (FAO). A súa finalidade é concienciar aos pobos do mundo sobre o problema alimentario mundial e fortalecer a solidariedade na loita contra a fame, a desnutrición e a pobreza.
Cada ano escóllese un lema co fin de destacar áreas necesitadas de reformas sociais. Este ano 2017 o lema é: CAMBIAR O FUTURO DA MIGRACIÓN.

No noso taboleiro en Pinterest temos feita unha selección dos libros, xogos e actividades que podedes realizar para participar na celebración deste día.

NOVO EQUIPO DE AXUDANTES de 6º

Na primeira quincena de Setembro recibiron a formación de usuarios os nenos e nenas que se ofreceron voluntarios como AXUDANTES DE BIBLIOTECA. A partires de Outubro comezaron coas suas tarefas seguindo o calendario de quendas establecido pola responsable de Biblioteca e que figura no taboleiro da entrada á biblioteca.
Aquí temos unha das novas tarefas que están a realizar xa os axudantes: o selado de libros novos e revisión dos vellos.

COMEZO DO CLUBE DE LECTURA

Unha das novidades deste curso 2017-2018 é a creación dun clube de lectura. Todos os mércores á hora do lecer reuniranse os diferentes membros do clube na biblioteca segundo o calendario de quendas establecido pola responsable do Equipo de biblioteca.
Hoxe comezaron os membros do clube do 3º nivel de Educación Primaria.

XOGOS EDUCATIVOS

Temos unha nova pestana no blog adicada aos xogos educativos.
Nela atoparedes enlaces a diferentes plataformas nas que poderedes aprender xogando.