A parcela de 4º de Ed. Primaria da gusto vela. Este ano cada alumno/a plantou a súa leituga e por quendas ocúpanse todos os días de coidala: regar, quitar herbas malas...
Preme na imaxe para ver máis fotos.
O alumnado de 3º Ed. Primaria creou o seu propio "Ultramarinos" de alimentación sá na zona interclases de 3º e 4º onde xogan a comprar diferentes produtos que eles mesmos trouxeron da casa reciclando envases de todo tipo: botellas, tetrabricks, caixas de cartón... Para saber que prezos poñer aos produtos visitaron o Supermercado que temos preto do colexio, onde aprenderon todo o funcionamento do mesmo. Preme na imaxe para ver as fotos.
O grupo B, na terceira sesión estivo construíndo co "Tinkercad" as regletas que nos pediron as mestras de Educación Infantil. A fase de deseño está lista, agora so queda que a impresora faga o seu traballo.
O grupo A, aprendeu a diseñar un vaso coas formas xeométricas básicas que proporciona o programa Tinkercad, e a verdade é que o entenderon enseguida.
Na semana do Día do Libro o alumnado de 3º Ed. Primaria recibiu a visita da autora da guía "As herbas de San Xoán" Silvia Domínguez Torrado. Ela ensinoulles as diferentes herbas e despois preparounas para que lavar a cara, seguindo a tradición de San Xoán. Foi moi interesante coñecer as herbas e algúns datos curiosos sobre elas. Todos disfrutaron moito coa súa visita. Darlle as gracias a Daniela, editora de Patas de peixe, nai e membro da Anpa do noso cole por colaborar na organización desta charla.
O equipo de biblioteca preparou un novo expositor con libros e contos que están relacionados coas distintas formas de acoso escolar e como previlas, afrontalas e superalas. Tédeo a vosa disposición na sala de mestres ata que podamos abrir a biblioteca.
