REVISTA ESCOLAR 18-19

ENTREGA DE PREMIOS DO CONCURSO PASAPORTE LECTOR

Esta maná foi a entrega dos premios aos gañadores do Concurso do Pasaporte Lector. Noraboa a todos e todas. Animamos ao resto do alumnado a seguir participando no vindeiro curso. 

FELICES VACACIÓNS DE VERÁN!

CHEGAN Á BIBLIOTECA OS TRABALLOS DAS MOCHILAS VIAXEIRAS

Centos de traballos que fixeron os nenos e nenas xunto coas súas familias nos diarios das mochilas viaxeiras están a chegar estes días á nosa biblioteca. Preme na imaxe para ver o album de fotos. Pola cantidade non podemos publicar todos pero sí iremos seleccionando e subindo máis traballos a medida que vaian chegando. Este ano houbo moitos que empregaron os libros de receitas que ían nalgunhas mochilas e hai traballos moi bos. Noraboa a tod@s e grazas pola vosa participación. 

NOVA SESIÓN DE CONTACONTOS

Onte catro grupos de axudantes de biblioteca de 6º de Educación Primaria fixeron o seu último Contacontos para todo o alumnado de Educación Infantil. Cada grupo leu e proxectou imaxes de contos relacionados co proxecto A que sabe o mundo? e co medio ambiente. Preme na imaxe para ver a galería de fotos.

INFANTIL SE VA A BRASIL

O alumnado de Educación Infantil non para de viaxar. Investigaron Italia, China e agora descubrimos a súa exposición na entrada ao colexio de cando estudaron lugares, costumes e tradicións de Brasil.

Preme na imaxe para ver os traballos mellor. 

Para máis información visita o seu blog Aprendemos sorrindo.

GUÍA DE LECTURAS VERÁN 19

Como todos os anos o Equipo de Biblioteca publica unha guía de lecturas para o verán. Como non podía ser doutra maneira, a guía vai da temática do noso proxecto deste curso escolar 18-19. Dos moitos libros informativos e contos que hai relacionados co tema da cociña, aquí tedes os que máis gustaron. 

Felices lecturas e comidas de verán a toda a Comunidade Educativa!

Preme na imaxe para ver a guía

XORNADA PORTAS ABERTAS ESCOLA INFANTIL

Hoxe tivemos unha xornada de portas abertas para os nenos e nenas da Escola Infantil Galiña Azul de O Grove acompañados polas súas mestras e as súas familias. O vindeiro curso comezarán 4º de Educación Infantil no noso colexio. 

Primeiro o director ensinoulles as instalacións: a súa futura aula, os espazos de xogos nos días de choiva, os aseos, o patio... e por último asistiron á nosa biblioteca onde os nosos axudantes de 6º de Primaria fixeron un Contacontos.

3º e 4º RECIBEN A VISITA DE PIRAGÜISTAS

Durante dous días recibimos a varias profesionais do Club de piragüismo Breográn de O Grove. O alumnado de 3º e 4º de Educación Primara coñeceu así un deporte que no noso Concello ten moita representación a nivel mundial. Primeiro fixeron unha presentación do Club e déronnos unha charla informativa sobre este deporte e as diferentes modalidades do mesmo. Despois deixáronos os diferentes tipos de remos para practicar.

PUBLICACIÓN DO 6º EPISODIO DE RADIO: A QUE SABE O MUNDO?

Rematamos o programa especial de radio deste curso sobre o noso proxecto A que sabe o mundo? con moita alegría. Nel podedes escoitar ao alumnado de 6º recitando a receita "Canapé de queixo feliz" do libro de Isabel Blanco "As receitas de Rosaura" ; de seguido os de 2º falan das súas experiencias na cociña; os de 3º interpretan o conto en lingua castelán "La rebelión en la cocina"; e para rematar o programa o alumnado de 1º canta coa profe Olga "O polo Pepe". Esperamos que vos guste. 

Preme na imaxe

Toda a información sobre o proxecto Radio na biblio aquí.

RECICLANDO CO ESCORNABOT EN 3 ANOS

O Equipo de Biblioteca diseñou un novo xogo para o proxecto Biblioteca Creativa sobre a reciclaxe polo Día do Medio Ambiente. Os primeiros en xogar foron os nenos e nenas de 4º de Educación Infantil. Preme na imaxe para ver a Galería de fotos.

6º PREPÁRASE PARA IR A ONS

O alumnado de 6º de Educación Primaria embarca mañá camiño da Isla de Ons. Por iso, hoxe estiveron cos seus titores na biblioteca, documentándose e preparándose para a visita que van facer de dous días á Isla. Visitaron a páxina web do camping onde van descansar e revisaron as rutas de senderismo no Google Maps.

CONTACONTOS PARA 1º E 2º

Os axudantes de biblioteca de 6º realizaron un Contacontos para os nenos e nenas de 1º e 2º de Educación Primaria. Prepararon unha presentación dixital do conto para acompañar á lectura dos textos. 

O primeiro conto "Historia dunha lata" estaba relacionado co tema da reciclaxe. 

O segundo conto "A mellor sopa do mundo" estaba relacionado co noso proxecto de cociña A que sabe o mundo? e a amizade.

O RESTAURANTE ITALIANO DOS NENOS DE 4 ANOS

O alumnado de Educación Infantil remata as súas actividades para o Proxecto A que sabe o mundo? coa montaxe dun restaurante. 

No blog Aprendemos sorrindo atoparedes todo o proceso de investigación e as tarefas finais. 

CARAPUCHIÑA E OUTRAS PERSOAXES NA NOSA RADIO

Alumnado de 4º de Educación Primaria fai entrevistas ficticias ás persoaxes dos contos clásicos cos que estiveron a traballar neste último trimestre. Eles poñen as voces aos protagonistas dos contos que versionaron dunha forma moi creativa. 

Para máis información da nosa canle en RADIO V.I.

EXPOSICIÓN DE TRABALLOS PREMIADOS

Xa están expostos os traballos premiados do Concurso do Pasaporte Lector no corredor da planta baixa. Se atopas o teu exposto, tes premio! 

Non esquezas acudir á entrega de premios que realizaremos o xoves, día 20 de Xuño ás 12:40 h. no patio ao remate do tempo de lecer.

XADREZ

                                                

Para rematar o curso temos Campionatos de Xadrez. 
Pasa pola biblio no tempo de lecer e apúntate!

CHARLA PARA CONMEMORAR O DÍA DO MEDIO AMBIENTE

Galería de fotos 

Hoxe visitounos Manuel Domínguez para falarnos dos ecosistemas, das especies invasoras e do que podemos facer nós para axudar e contribuír ao coidado do Medio Ambiente. Ademáis o alumnado de 6º de Ed. Primaria, despois das charlas foi facer unha ruta para ver "in situ" algunhas das especies invasoras da nosa contorna.

CONTACONTOS POR UN DÍA

Pola Semana das Letras Galegas realizouse a segunda sesión de "Contacontos por un día" grazas a colaboración das familias. Na primeira sesión durante o Samaín moitas nais quedaron sen participar por falta de tempo, así que as mestras de Infantil invitaron de novo as familias a participar nunha nova sesión. Como lles gusta aos nos@s pequerrech@s escoitar ás súas mamás!

LECTURA FÁCIL

Ampliamos a nosa colección de libros informativos con pictogramas para os nenos e nenas que comezan a ler e para os que precisan axuda cunha lectura fácil e divertida.

Por unha biblioteca inclusiva!

INFANTIL LÉVANOS AO MUNDO DE CHINA

Galería de fotos

Despois das exposicións e traballos dos nenos e nenas de 4 anos sobre Italia, atopámonos con esta espectacular ambientación de China, outro dos traballos dos investigadores de 5 anos. Noraboa pola vosa curiosidade e por compartir os vosos descubrimentos con todo o cole!

Novo episodio de A que sabe o mundo?

Chegando ao remate do curso, aquí temos o penúltimo episodio do Programa de Radio: A que sabe o mundo? Nel escoitaredes ao alumnado de 6º falando da comida tailandesa en inglés, unha entrevista que fixeron os de 5º a autora dos libros: "Mel nas filloas" e "Receitas Pequerrechas" que temos na nosa biblioteca e por último unha receita especial en rima: "Mazás vermellas do bosque con caramelo" do libro "As receitas de Rosaura" de Isabel Blanco.

LIBRO COLABORATIVO

Preme para velo

Este curso o alumnado de todo o colexio elaborou este libro de receitas no Proxecto Documental Integrado A que sabe o mundo?

Para velo de forma dixital preme na imaxe. Ten páxinas con solapas que descubrir así que non dubides en pasar pola biblio para velo mellor de forma impresa.