Na mañá do venres tivemos unha visita especial: os irmáns Rober e Quin do Centro de interpretación da cultura agraria O Quinteiro de Temperán de O Grove. A actividade tivo moito éxito e o alumnado de 5º e 6º de Ed. Primaria participou de forma activa nas diferentes propostas. Primeiro lles ensinaron un pouco da historia do carro galego, o tipo de madeira que se precisa para elaborar as pezas e as ferramentas necesarias na sala de audiovisuais. Despois aprenderon o vocabulario específico das partes do carro e todas as pezas necesarias mediante xogos de sopa de letras no laboratorio e por último realizaron de forma cooperativa a montaxe do carro na biblioteca.
Pincha aquí para ver o timelapse creado coa Raspberry Pi polo alumnado de 6º de Educación Primaria na súa quenda.
Ningún comentario:
Publicar un comentario