CELEBRACIÓN DO MAGOSTO

 

O pasado venres celebramos no cole a festa do Magosto. O director e mais o secretario asaron as castañas que todas as familias trouxeron para os seus fillos e fillas. Despois da elaboración dos recipientes, cucuruchos, cestas de papel...todos os cursos degustaron as deliciosas castañas. 

Ao remate comezaron os xogos populares e tradicionais organizados polo Equipo de Actividades Extraescolares e Complementarias. O alumnado de 6º de Educación Primaria foi o encargado de dirixir os xogos e ensinarlles ao resto dos cursos as normas dos xogos. 

Pronto comezou a chover e tivemos que cambiar algúns xogos para seguir no interior do colexio. Aínda así, foi un día divertido no que ensinamos e recordamos as tradicións e costumes do noso pobo.

Preme na imaxe para ver as fotos.

Todo sobre o Magosto aquí.

UNHA VISITA ESPECIAL

 

En 5º de Educación Infantil comezaron o primeiro trimestre cun proxecto que xira arredor do mar. Por iso veu a nai de Andrea, que tamén se chama Andrea, a falarnos do seu traballo: ela é mariscadora. Comentoulles o marisco que collía (ameixas, berberechos...) o material que utilizaba para iso e comentounos a importancia de dar a coñecer trabllos coma este aos nenos e nenas e de poñelo en valor xa que se están a perder.

Moitas grazas pola túa visita Andrea. 

ACTIVIDADES POLO SAMAÍN

 

O Samaín deste ano celebrouse no cole cunha chea de actividades: O alumnado de Infantil e Primaria fixo decorados e fotocol, debuxos de monstros, relatos de medo, xogos cos escornabots, bailes no recreo, lecturas e actuacións terroríficas na biblioteca, a exposición de cabazas nas que participan sempre as familias, o túnel do terror adaptado ás diferentes idades...

Preme na imaxe para ver a galería de fotos.

Se queres saber todo o que facemos no cole para Samaín, visita a nosa bitácora adicada a esta celebración onde atoparás recursos, actividades e incluso o feito en cursos anteriores.