VISITAS Á PRAZA DE ABASTOS

 

Durante este mes o alumnado dende Educación Infantil ata 4º de Educación Primaria foron invitados polo Concello a visitar á Praza de Abastos. Alí coñeceron de primeira man os productos de calidade que temos e a facer un consumo responsable. Dependendo da idade realizaron diferentes traballos deseñados polos seus titores como por exemplo identificar os diferentes postos: carnicería, peixeiría, panadería... e coñecer os nomes dos productos que se venden. Os maiores foron máis alá e tiñan que facer unha compra ficticia para elaborar unha receita concreta. 

Preme na imaxe para ver a galería de fotos.

PREMIADOS DO CONCURSO DO PASAPORTE LECTOR

 

Esta semana fixemos entrega dos premios aos gañadores do Concurso do Pasaporte Lector que realizamos ó longo de todo o curso. Preme na imaxe para ver os traballos premiados e os actos de entrega dos agasallos realizados na biblioteca entre o luns e hoxe. Ademais todos os nenos e nenas recibiron un chaveiro realizado polo alumnado voluntario do Programa de Biblioteca Creativa de 6º de Ed. Primaria co logo do proxecto deste ano.

CONCURSO DE PREGUNTAS NA BIBLIOTECA

 

 

O alumnado de 5º de Educación Primaria dedicouse este curso dende a materia de Proxecto Competencial a deseñar un xogo de preguntas sobres diversas temáticas (animais, Disney, música...) coa aplicación Kahoot. Co fin de expoñer o proxecto, invitaron ao alumnado doutras clases e niveis durante os tempos de lecer a probar sorte nesta competición e ver quen é capaz de acertar máis preguntas.

CONTACONTOS POR UN DÍA

 

Durante o mes de Maio para celebrar o Día da Familia repetimos a actividade programada no Plan de Biblioteca "Contacontos por un día".

Invitamos a pais, nais, avós, avoas... a facer contacontos nas aulas dos seus fillos/as, netos/as...

Coma sempre, foron moitos os que acudiron á nosa proposta. Algúns escolleron contos emprestados da nosa biblioteca que lles preparamos en varios expositores e outros trouxeron contos da súa casa. 

Grazas pola vosa implicación!

Preme na imaxe para ver as fotos.

COIDANDO O MEDIO AMBIENTE

 

Celebramos o Día do Medio Ambiente cunha saída organizada polo Equipo de Actividades Extraescolares e Complementarias á Illa de A Toxa. Todo o alumnado de Educación Primaria saíu do colexio ás 11:00 h dirección ás praias e zonas verdes da illa para facer limpeza do lixo. O primeiro que fixeron despois da camiñata foi repoñer enerxía tomando as merendas do tempo de lecer, logo repartidos por diferentes zonas da illa, realizouse a limpeza da praia e da zona do pinar e por último houbo tempo para xogo libre e xogos organizados.

Preme na imaxe para ver a galería de fotos.

CHARLAS DE EDUCACIÓN SEXUAL

 

O longo de todo o curso, alumnado dos diferentes niveis dende Educación Infantil ata 6º de Educación Primaria recibiron varias charlas sobre Educación Sexual adaptadas aos diferentes niveis educativos.

Hoxe, na sesión de 3º B, os nenos e nenas aprenderon sobre os diferens tipos de familias que existen a través do xogo da oca.

XA TEMOS NOVA MASCOTA NA BIBLIOTECA!

 

A gañadora do Concurso polas Artes Galegas da Mascota de biblioteca é Teka, a guardiana de libros, creada por Zeltia de 4º EP e a súa familia. Noraboa!

  Moitas grazas a todos pola vosa implicación. A finais de curso todos recibirán un pequeno agasallo polo seu esforzo.

Preme na imaxe para ver todos os participantes e traballos presentados.

PREMIADOS NO CERTAME DE RELATO CURTO

 

Sasha co relato titulado "Xulio non se sente ben" e Lía co relato titulado "Os tres osiños aventureiros" foron premiados no X Certame de relato curto que organizou a FANPA o curso pasado e recibiron cada un o seu diploma e o seu libro con todos os relatos finalistas e gañadores.

Mañá, día 29, acudirán Sabela e Bianca  a entrega de premios do  XI Certame. Bianca de 6ºA foi seleccionada  co relato titulado "A casa do lume" e Sabela de 5º de Educación Primaria presentou o relato titulado "Festa de números".

Esperamos ter pronto os novos libros que a FANPA  enviará para a na nosa biblioteca e que todos poidan ler os seus relatos.

TEATRO EN INGLÉS

 

O xoves ,22 de maio o alumnado de Educación Infantil e os máis pequenos de Educación Primaria acudiron ao xinmasio do cole para ver unha obra de teatro en inglés. Participaron de forma activa na obra, cantando e reciclando, xa que a temática tiña relación co coidado do medio ambiente e a reciclaxe.

Preme na imaxe para ver as fotos e pequenos vídeos.

Saída á Padrón do Club de lectura

 

O día 15 de maio os membros do club de lectura de 5º e 6º de Educación Primaria realizaron por fin a súa saída á Padrón que tivemos que aprazar por mor do apagón. 

Primeiro visitamos a Casa-Museo de Rosalía de Castro, logo de ler no club o libro "Formigas. Misión Rosalía" e memorizar moitos poemas de Rosalía no mes de febreiro pola súa conmemoración co obxectivo de facer un recital na propia Casa-Museo

Logo realizamos unha xincana no Xardín Botánico onde tamén aproveitamos para comer ao sol. Rematamos a visita no Paseo do Espolón na Alameda onde lle cantamos á estatua de Rosalía.

Foi unha xornada de convivencia cos membros do club de lectura do CEIP As Bizocas cos que compartimos autobús, xogos, libros, cancións e poemas.

Cantando e tocando polas Letras Galegas

 

Celebramos as Letras Galegas cantando e tocando con Dunia, unha nai do noso centro que é pandereteira, do grupo Cinco en Zocas de O Grove. Foron unhas sesións moi divertidas onde todo o cole dende 4º de Educación Infantil ata 6º de Educación Primaria, en varias quendas, poideron tocar algúns dos instrumentos que se poden facer con cousas que temos na casa: as culleres, as cunchas, a tixola, as latas, o sacho... e por último os instrumentos tradicionais como o pandeiro e as pandeiretas.

Prema na imaxe para ver a galería de fotos.

Padriños e madriñas lectoras polo Día do libro

 

Un ano máis celebramos o Día do libro durante as dúas últimas semanas do mes de Abril organizando a actividades interciclos e interetapas dos "padriños e madriñas lectoras". Dividimos todo o cole en dous grupos, por unha banda os padriños e madriñas lectoras formado polo alumnado maior dende 3º ata 6º de Ed. Primaria e por outra banda os afillados e afilladas formado polo alumnado dende 4º de Ed. Infantil ata 2º de Ed. Primaria. Facendo varias quendas, todos acudiron á biblioteca para ler contos e pasar un rato divertido con alumnos e alumnas doutros cursos. Preme na imaxe para ver a galería de fotos.

kamishibais polo Día do libro infantil e xuvenil

 

 

As integrantes do club de lectura de 5º e 6º de Educación Primaria fixeron durante o primeiro trimestre as ilustracións para amosar os seus kamishibais a todos os nenos e nenas de Educación Infantil. Así para celebral o Día do libro infantil e xuvenil invitaron a todo o alumnado a ver e escoitar contos coñecidos como "Oito patas" de Ana Meilán e "O Coelliño branco" da versión de Xosé Ballesteros.

AMPLIACIÓN DO PLAZO DE ENTREGA DO CONCURSO MASCOTA DA BIBLIO

Ampliamos plazo de entrega ata o 9 de maio para participar no Concurso da Mascota da Biblitoteca. 

Animádevos a participar aproveitando esta ponte de maio.

Deixamos unhas fotos das entregadas ata o momento.

 

 

 

 

 

 

CONCURSO CREACIÓN DE NOVA MASCOTA DA BIBLIOTECA

Se facemos repaso das mascotas que representaron a nosa biblioteca debemos mencionar primeiro a nosa querida tartaruga feita de madeira polo alumnado do último curso.

Uns anos despois, Lililibro feita de cartón e coloreada polo alumnado dos últimos cursos de Educación Primaria, recomendou moitos contos aos nenos, nenas, mestres e mestras... durante moitos anos.

Vai facer catro cursos escolares que temos a Globi como mascota da nosa biblioteca, debuxo feito por unha alumna que estaba en Educación Infantil e elexida pola Comunidade Educativa a principios do curso 2021-2022.

Con motivo da celebración do Día das Artes Galegas, convocamos ás familias para deseñar unha nova mascota que represente a nosa biblioteca e facelas partícipes do noso Proxecto Somos Artistas.

As obras realizadas terán os seguintes requisitos:

- Entregarase unha soa obra realizada en familia. 

- Terá un nome escollido pola propia familia e que estea relacionado coa biblioteca.

- Poderá ser un debuxo, un boneco/a o unha maqueta feita cos materiais que escollades: madeira, cartón, teas...

- Será orixinal. Non serán válidos debuxos ou personaxes xa existentes. 

- Prazo de entrega: mércores, 30 de Abril de 2025.

Un membro da familia participante poderá entregar a obra artística ao seu titor ou titora, quen a súa vez o entregará á coordinadora do Equipo de Biblioteca. Todas as obras presentadas serán expostas nos corredores do centro.

Os Equipos de traballo de TICS e de Biblioteca elexirán a mascota gañadora e o comunicarán por diferentes medios: AbalarMobil e neste Blog de biblioteca.

Campaña Didáctica da Escola de Música para Primaria

 

Hoxe visitaron o noso cole a Campaña didáctica da escola de Música para dar a coñecer os instrumentos de vento ao noso alumnado de Educación Primaria. Os nenos e nenas tiveron a oportunidade de probar algúns instrumentos e mesmo dirixir ao grupo de músicos e tamén cantaron moitas cancións coñecidas. Esperamos que esta actividade anime aos rapaces e rapazas a elexir como actividade no seu tempo de lecer a música.

Creacións artísticas de Arts no blog do PDI Somos Artistas

Xa están publicadas no blog do PDI Somos Artistas todas as actividades levadas a cabo na clase de ARTS durante o segundo trimestre. Pincha na imaxe para accedar ao blog. 

Noraboa pola traballo realizado! 

 

Formación de radio en 5º Primaria

 

Un ano máis escollimos ao formador Damián Alonso para realizar o obradoiro de radio co alumnado de 5º de Educación Primaria. Con este especialista de Ponte nas Ondas aprenderon a facer un programa de radio en directo, traballando primeiro a creación do contido a divulgar e logo por parellas todos foron pasando polos diferentes postos necesarios nunha emisora: os técnicos e os locutores.

Charla informativa sobre o coidado dos animais

 O mércores 26 de Marzo visitounos Verónica, da Granxa de Xanceda e veu acompañada por unha cadela moi especial, adestrada para ensinar aos nenos e nenas como se deben coidar os animais.

Recital de poesía: Igualdade, muller e poesía.

 

O alumnado de 5º e 6º de Educación Primaria escoitou un recital de poesía para celebrar o Día da poesía na nosa biblioteca. Queco Fresco e Mari Carmen Cacabelos co grupo Diversos Conversos emocionaron co seu recital ao noso alumnado con temática relacionada do Dia da muller, a igualdade e a poesía.

ACTIVIDADES POLO DÍA DA MULLER

 

O Equipo de biblioteca preparou unha exposición de mulleres artistas na biblioteca a que todos os cursos puideron visitar durante este mes de marzo. Trátase de 9 mulleres galegas coñecidas en diferentes disciplinas artísticas: as pintoras Maruja Mallo e Rosa Guisán; a escultora Soledad Peralta; a ilustradora de contos Blanca Millán, a arquitecta Milagros Rey, a actriz María Casares, artistas musicais como Guadi Galego ou as Tanxugueiras, e por suposto a nosa poeta Rosalía de Castro. 

Nesta exposición os nenos e nenas poden ler a información a carón de cada fotografía da artista e escanear coas tablets da biblio os códigos QR para ver as súas obras.

 

 

 

Na zona de Educación Infantil e na zona interclases de 1º ciclo prepararon murais sobre a artista xaponesa Yayoi Kusama. Na zona de Educación Infantil decoraron con pegatinas de cor violeta e escanearon códigos QR para ver as obras desta artista. Na zona de 1º ciclo a mestra de ARTS iniciou a decoración co alumnado de 1º ciclo para invitar a continuación ao resto do cole a participar. Preme na imaxe para ver o traballo realizado.

 

SAÍDA LOCAL DE 3º ED. PRIMARIA

 

 

O  pasado 26 de Febreiro a rapazada de 3º de Educación Primaria fixo unha saída polo noso Concello , O Grove. Foi a mellor maneira de estudiar "o noso mundo" e "vivir en sociedade". Coñecer a nosa contorna axúdanos a desenvolvernos con maior independencia e autonomía, por iso foron visitar os distintos espazos representantivos do pobo: o centro médico, o pabellón vello, o centro sociocultural, o auditorio, a policía local e o Concello. Aproveitaron a saída para repasar conceptos como a localización de cada espazo, os traballadores de cada un e a función que desenvolven. A maiores, conscientes de que o noso entroido é moi representativo da sociedade meca aproveitaron para visitar a exposición na que se mostra a evolución desta festa na nosa localidade.

O mundo no que vivimos empeza por coñecer o maravilloso pobo no que vivimos e disfrutar e aprender dos seus costumes. 

Preme na imaxe para ver a galería de fotos.

DESFILE ENTROIDO SOMOS ARTISTAS 2025

 

ALBUM DO ENTROIDO

 Deixamos aquí tamén o album de fotos da celebración do Entroido coa temática do PDI Somos artistas.

ALBUM DE MANDADIÑOS DO MECO

 

Mentres o Equipo de TIC prepara o vídeo do Desfile do Entroido, os deixamos o album de fotos dos mandaiños do Meco. Preme na imaxe para ver algunhas das fotos que se fixeron durante esa semana.

VISITA DA ESCRITORA ANDREA MACEIRAS

 O día 25 de Febreiro recibimos na nosa biblioteca á escritora Andrea Maceiras. O alumnado de 5º e 6º de Educación Primaria leu o seu libro "Alma de elefante" dentro do Plan Anual de lectura e tiveron a sorte de coñecela en persoa, facerlle unha chea de preguntas. A escritora animounos a averiguar cal é o alma de animal co que se identifica cada quen. Antes de marchar, asinoulles os libros.

Mandadiño do venres

 

E rematamos a semana dos mandadiños co Desfile do Proxecto Documental Integrado deste curso: "Somos artistas".

Mandadiño do xoves

 

Mandadiño do mércores

 

Mandadiño do martes

 

Títeres en Ed. Infantil

 

O departamento de Orientación formado por Elena, Gael e Sergio representaron o conto de Carapuchiña e o lobo feroz nas aulas de Educación Infantil. Cada neno e nena recibiu a súa entrada para a representación e desfrutaron moito con nosos compañeiros. Preme na imaxe para ver máis fotos.

Mandadiño do luns

 

Deseñando gafas coa impresora 3D

 

 

 O Equipo de Biblioteca Creativa estivo deseñando monturas de gafas para o Entroido coa impresora 3D. Se queres saber todo o que fan nas súas sesións preme na imaxe.

Guía de libros do PDI Somos Artistas

Continuamos actualizando os expositores da entrada á biblioteca cos fondos relacionados co Proxecto Somos Artistas. Toda a información sobre a selección de libros e recursos para o  mesmo e as actividades  realizadas polo momento no seu blog, non deixes de visitalo.
 

Canción e baile polo Día da Paz

 

Axudantes de biblioteca

A labor do equipo de axudantas de biblioteca de 5º  6º de Educación Primaria é fundamental para o bo funcionamento da biblioteca. Elas vixían e axudan ao resto dos nenos e nenas do cole nos tempos de lecer, fan préstamos, organizan e colocan libros e xogos, elaboran materiais para as conmemoracións...

 

4º de Ed. Infantil comeza as súas visitas á Biblioteca Creativa

 

O alumnado de 4º de Educación Infantil comezou neste segundo trimestre as súas visitas á biblioteca unha vez por semana seguindo o horario establecido para uso e disfrute de todo o alumnado, coñecendo os diferentes recunchos. Na imaxe podedes ver o uso que fan da sala dos xogos creativos: Lego, marionetas, xogos de construccións de Kappla...

Mochila Viaxeira en 3º Primaria

 

O alumnado de 3ºB de Educación Primaria aproveita as súas sesións de biblioteca para facer os préstamos e comentar a mochila viaxeira que levan por quendas para casa todos os mércores. Preme na imaxe para ver algunhas fotos deses encontros.