O Rock do Nadal

 

Rock do Nadal do Valle-Inclán coa colaboración especial da mestra de música Silvia, as mestras Andrea e Sandra e o mestre Sergio.

E coma sempre o Equipo de Biblioteca achega a guía coas recomendacións para agasallar neste Nadal relacionadas co noso PDI AnimalArdia.

MATEMÁTICAS CREATIVAS

 Porque no noso cole apostamos polo aprendizaxe significativo en todas as áreas. Aquí temos dúas mostras claras na área de matemáticas cos cursos de 3º e 4º de Ed. Primaria.

Multiplicamos en 3º- Primaria na sala maker

Coas regletas feitas coa nosa impresora 3D en 4º-Primaria

ACTIVIDADES POLO DÍA CONTRA A VIOLENCIA DE XÉNERO

 

O alumnado de 5ºB-Primaria interpreta en galego a canción "Depende dos dous" para a concienciación contra a Violencia de Xénero. (25 Novembro). Preme na imaxe para enlazar co vídeo que fixeron.

Contacontos realizado polos axudantes de 6º de Ed. Primaria para todos os grupos de Educación Infantil. Os contos escollidos para esta data foron:

Unha feliz catástrofe ( 4º de Ed.Infantil)

Artur e Clementina (5º de Ed. Infantil)

Rosa Caramelo (6º de Ed. Infantil)

Preme na imaxe para ver a galería de fotos.

Mural elaborado polo alumnado de 6ºA e 6º B- Primaria. Preme na imaxe para vela máis grande.

As fotos creativas de 3ºB a favor da igualdade de xénero. Ademáis fixeron un audio na nosa radio escolar para que se lles escoite os seus gustos. Podedes escoitalos no seguinte enlace:

https://drive.google.com/file/d/1Nkmc125uxbFM9k0FDvbZ8GRivD6TihAF/view?usp=sharing

NOVIDADES POLA IGUALDADE E CONTRA A VIOLENCIA DE XÉNERO

 

Na biblioteca non paramos de actualizar os nosos fondos bibliográficos. Nesta ocasión mercamos unha chea de libros para traballar a igualdade e contos para concienciar contra a violencia de xénero, non só para o día 25 de Novembro, senón durante todo o curso escolar. Pasade pola biblioteca e buscalos nos expositores temáticos.

Máis información en: http://valleinclanbiblioteca.blogspot.com/p/25-n-contra-violencia.html

RECURSOS PARA A CELEBRACIÓN DO DÍA DA INFANCIA

O 20 de Novembro celebrarase o Día da Infancia. Nós celebrarémolo a vindeira semana dende o luns 22 ata o venres 26 colaborando como todos os anos na Carreira Solidaria que organiza a ONG Save the Children. 

As carreiras realizaranse no tempo de lecer en diferentes quendas para non mesturar cursos:

Luns, 22 Carreiras de 6º e 5º de Educación Primaria

Martes, 23 Carreiras de 4º e 3º de Educación Primaria

Mércores 24 Carreiras de 2º e 1º de Educación Primaria

Xoves 25 Carreiras de 6º Educación Infantil e 1ª quenda de mestres Grupo A

Venres 26 Carreiras de 5º e 4º Educación Infantil e 2ª quenda de mestres Grupo B

As familias poderán aportar os donativos para ONG durante toda a semana. O alumnado recibirá un Diploma como participante da actividade solidaria ao rematar as carreiras.

Para o traballo nas aulas dispoñemos de materiais da ONG e da selección de fondos bibliográficos da nosa biblioteca.

Preme na imaxe para ver o Dossier

Preme na imaxe para ver os fondos bibliográficos

CELEBRACIÓN DO MAGOSTO

O venres 12 de Novembro celebramos o Magosto. As familias colaboraron coma sempre aportando as castañas; os nenos e nenas prepararon nas aulas os seus cucuruchos e reciclaron envases para gardar as castañas;  Paco, o conserxe, asounas e despois da degustación, cada grupo realizou xogos populares nos seus recintos do patio como a pita cega, o xogo do pano, os aros musicais, rato que te pilla o gato, xogos de lanzamentos...

Preme na imaxe para ver as fotos

FORMACIÓN DE USUARIOS EN 4 ANOS

 O alumnado de 5º de Educación Infantil recibiu varias sesións de formación de usuarios nos dous últimos venres. No primeiro coincidindo co Samaín, escoitaron o conto "La biblioteca noctuna" que fala dos diferentes recunchos e das diferentes actividades que se poden facer nunha biblioteca. No segundo venres subiron á nosa biblioteca para coñecer todos eses recunchos e sen dúbida quedaron entusiasmados co noso espazo creativo e a parede Lego.

TEMOS NOVA MASCOTA!

Trala nova convocatoria do Concurso de "Deseña a mascota da biblio" e unha votación na que houbo moita participación, o debuxo gañador é o feito pola alumna Nora de 6º de Educación Infantil. 

NORABOA!

CONTOS DE MEDO EN RADIO VI

 

 O alumnado de 4º de Educación Primaria na área de Lingua Castelá estivo traballando en equipo para crear contos de medo polo Samaín. Despois acudiron ao estudio de radio para gravar os contos e subilos a nosa canle de RADIO V.I. https://www.ivoox.com/podcast-historias-inventadas_sq_f1839038_1.html

Una noche oscura en el bosque

El país encantado

Una noche terrorífica

El barco de la noche

XOGOS PARA APRENDER NO ESPAZO CREATIVO

 

Seguemos aumentando o número de xogos educativos no noso espazo creativo, un dos recursos máis solicitados nos tempos de lecer polo alumnado.  Preme na imaxe para ver a colección. 

FORMACIÓN DE USUARIOS

 Nos tempos de lecer aproveitamos para facer a formación de usuarios. No día de onte recibiron a formación o alumnado de 2º de Educación Primaria. Dividimos ao grupo en dos equipos e seleccionamos en dúas mesas libros con diferentes localizacións, todos relacionados co Outono e o Magosto. Ensinamos o significado da CDU e como tiñan que colocalos nos andeis. Con dez exemplares en cada mesa, comezaron a buscar por toda a biblioteca o número da CDU que figuraba no tello de cada libro ata atopar o seu andel.

Case case, remataron os dous equipos ao mesmo tempo. 

Preme na imaxe para ver a galería de fotos

DÍA DAS BIBLIOTECAS

 Para celebrar o Día das bibliotecas que será este domingo 24 de Outubro, dúas das novas axudantas de biblioteca de 6º de Primaria prepararon este vídeo para presentar os nosos espazos e servizos á Comunidade Educativa. 

Tamén aproveitamos para facerlles unha primeira proposta e participar no novo Proxecto Documental Integrado deste curso 2020-2021: Animalardia. 

Esta proposta consiste en que as familias nos enviedes fotos coas mascotas ou animais domésticos que teñades nas vosas casas: cans, gatos, tartarugas... e tamén galiñas, cabalos, porcos... todos valen. Precisamos que nese correo escribades o nome do animal, o nome do alumno ou alumna e os principais coidados que hai que ter con eles.

Correo electrónico para enviar as fotos: biblio@vinclan.com

Se premes na guía atoparás algúns dos libros que o Equipo de Biblio seleccionou dos fondos que temos na nosa biblioteca. 

VOTACIÓN PARA ELEXIR A NOVA MASCOTA DA BIBLIOTECA

 Recibimos moitísimos debuxos de mascotas, pero só podemos escoller unha. 

No seguinte enlace podedes votar de entre os 10 seleccionados polo Equipo de Biblioteca como candidatos a ocupar o posto de MASCOTA. Preme na imaxe para votar.

Na procura das escritoras galegas

 O luns 18 de Outubro foi o Día das escritoras. Na nosa biblioteca temos unha chea de libros de escritoras, por iso propuxemos ao alumnado que nos visita no tempo de lecer buscar entre os andeis contos de autoras galegas. Atoparon por suposto a Rosalía de Castro, Ledicia Costas, Eva Mejuto, Fina Casalderrey, Paula Carballeira entre moitas outras. O resultado foi este expositor que o deixaremos durante 15 días a disposición de todo o profesorado e alumnado que queira facer lecturas nos tempos de ler.

Preme na imaxe para ver mellor os libros

Fixemos tamén lectura co alumnado de 2º de Primaria dun dos contos do expositor, escollido por eles. Trátase do conto titulado "Unha carreira de sacos" de Silvia Pazos Hermida, unha divertida historia dos animais do bosque que participan nunha carreira de sacos onde todos fan trampa... 

COMEZAMOS CURSO 2021-2022

 BENVIDOS A UN NOVO CURSO!

Comezamos este curso cunha nova importante: Lililibro, a nosa mascota, xubilouse. Despois de 10 anos vixiando os nosos andeis e informando sobre as actividades da biblio... Lililibro deíxanos, pero non sen antes convocar un concurso de debuxo para escoller a que será a súa substituta. 

Por iso, o Equipo de Biblioteca pon en marcha o primeiro concurso deste ano escolar.

REQUISITOS:

-Participará todo o alumnado do centro.

-O debuxo será dunha mascota que represente a nosa biblioteca, realizarase nun folio e na clase de plástica (non serán válidos os debuxos feitos ou rematados na casa).

-Os titores entregarán os debuxos á coordinadora antes do día 2 de Outubro.

-O Equipo de biblioteca seleccionará varios debuxos que irán a votación on-line para que participe toda a Comunidade Educativa na elección da mesma.

FIN DE PROXECTO ARDIA 2020-2021

 O derradeiro día celebramos a Cerimonia de Clausura do noso proxecto documental integrado. Toda a información no seu blog.

EXCURSIÓN FIN DE CURSO DE 4º PRIMARIA

 Os nenos e nenas de 4º de Ed. Primaria foron tamén de excursión á Illa da Toxa, pero tamén hai que dicir que foron os máis valentes. Non só fixeron a camiñata con intervalos de choiva, senón que ao saír o sol non dubidaron en meterse na auga. Que ben o pasaron!

ANDAINA Á SIRADELLA

 Os máis maiores do colexio fixeron a súa excursión de fin de curso cunha andaina dende o colexio ata o Monte da Siradella. A chuvia pillounos polo camiño, pero isto non os detuvo para chegar ao máis alto e disfrutar dunha merenda ben merecida. Finalmente saíu o sol e pasárono xenial.

EXCURSIÓN DE 1º PRIMARIA

 Os nenos e nenas de 1º de Primaria foron camiñando ata A Illa da Toxa acompañados polo seu titor e a mestra Mari. Fixeron algunhas fotos de recordo polo camiño e visitaron a Aldea dos Grobits.

EXCURSIÓN 2º B

 Os nenos e nenas de 2º B tamén foron de camiñata dende o noso colexio ata a Illa da Toxa. Pasaron un día estupendo co seu profe, nos columpios da Aldea dos Grobits e visitando o recinto dos burros.

EXCURSIÓN FIN DE CURSO DE 3º

 Hoxe os nenos e nenas de 3º de Ed. Primaria fomos de excursión á Toxa camiñando!

Demos unha volta disfrutando da paisaxe, vendo os peixes e paxaros, as distintas árbores e disfrutando do seu aroma tan puro. Tamén tivemos tempo para xogar preto da Igrexa das Cunchas e no parque dos Grobits. Algúns nen@s afirman que atoparon o tesouro!

Que ben o pasamos e que sorte que parase de chover!

Preme na imaxe

EXCURSIÓN DE 2º A NA ILLA DA TOXA

 O alumnado de 2º A realizou unha andaina no día de hoxe á Illa da Toxa. Estiveron observando os burros e pasaron un rato divertido na Aldea dos Grobits. Fixeron a ruta polo monte ata chegar á cadeira lectora. Por último foron á praia e fixeron unha chea de xogos coa súa titora e a profe Elena. Ás veces non hai mellor sitio para despedir o curso que facer unha excursión nos lugares máis bonitos que temos na nosa vila.

Preme na imaxe

GUÍA DE LECTURAS PARA O VERÁN

 E un curso máis remata. O Equipo de Biblioteca despídese cunha nova guía de lecturas con recomendacións para este verán. 

O rap da reciclaxe de 5º A

 Hoxe, o alumnado de Valores de 5º A gravaron para o noso programa musical de Radio V.I. un rap que compuxeron pola conmemoración do Día do Medio Ambiente.

Preme na imaxe para escoitar na nosa canle de radio.

PREMIAD@S NO CONCURSO LECTOR

 Onte entregamos os agasallos aos gañadores do concurso do Papaporte Lector. O Equipo de Biblioteca escolleu entre unha chea de traballos do curso pasado e deste aos mellores en redacción, recomendación e ilustración seleccionando por niveis. A cada premiado se lle entregou unha mochila serigrafiada co logo do noso cole, conto ou libreta de notas, o marcapáxinas das Xeografías Lectoras, chapa do proxecto, rotulador, bolígrafo ou selo con motivos deportivos.

Se premes na imaxe poderás ver a exposición dos traballos e a entrega de premios.

RECICLANDO COS ESCORNABOT

 

Diferentes cursos estiveron a usar o xogo do escornabot  para aprender ou repasar onde debemos botar o lixo. A maioría acertaron o contedor e ademais programaron o pequeno robot á primeira.

ECLIPSE DE SOL DENDE O VALLE-INCLÁN

Ó longo desta mañá os diferentes cursos estiveron a observar o eclipse parcial de sol cunhas gafas especiais. 

Galería de fotos

MELLORAS NO MOBILIARIO E EQUIPAMENTO

Grazas á partida económica destinada ao mobiliario e equipamento que recibimos neste curso por formar parte do PLAMBE mercamos expositores con maior capacidade, estanterías fixas e mobles con rodas para poder colocar unha chea de libros novos que xa non tiñamos espazo para eles. Tamén se mercou unha pizarra branca máis grande para o proxector, revisteiros para cómics e revistas que faciliten a súa visibilidade e acceso aos usuarios e uns atrils para o estudo de radio para a colocación das escaletas, guións, libros ou tablets que utilizan os nosos locutores.

Os axudantes de biblioteca de 6º xa comezaron a colocar os libros, pero aínda queda moito por facer...

Preme na imaxe para ver o novo mobiliario

LIBRO COLABORATIVO DE 3º E 4º SOBRE AS SEDES OLÍMPICAS

 Aquí temos unha das tarefas finais do proxecto. Trátase do libro informativo sobre as Sedes Olímpicas escollidas a investigar polo alumnado de 3º e 4º de Educación Primaria. Nel podemos observar como empregaron diferentes ferramentas para documentar todo o que investigaron. 

Noraboa polo traballo!

Preme na imaxe para ver o libro dixital

FASE DE POST-PROCESADO DE PEZAS EN 3D

 E por fin chegamos as sesións da fase de Post-procesado no que o alumnado ten un duro traballo de acabado das pezas: quitar as imperfeccións cun cepillo, pintar e colocar os lazos das nosas medallas.

Aquí temos dous representantes de 6º B que nolo explican:

SOLUCIÓNS DO XOGO DE XEOGRAFÍAS LECTORAS

O alumnado de 1º e 2º desvela as solucións do Xogo das Xeografías lectoras por Europa escribindo nos seus debuxos o título e o nome do autor dos contos ilustrados. Preme na imaxe para ver todas as solucións.

 

PLANTANDO E REGANDO

Ao noso alumnado encántalle ir ao horto escolar, proxecto que naceu no 2016 con Mans de terra e que continúa a día de hoxe. Os diferentes cursos foron limpando as malas herbas das súas parcelas e plantando todo tipo de vexetais. Os de primeiro teñen ata un espantallo!!!

Galería de fotos

MURAL COLABORATIVO SOBRE XELA ARIAS

 Con motivo da celebración do Día das Letras Galegas 2021, o Equipo de Dinamización da Lingua Galega fixo unha nova proposta a todos os cursos de Infantil e Primaria: un mural colaborativo sobre a autora Xela Arias, a quen se adica este ano o Día das Letras Galegas. Cada grupo tiña que atopar as respostas ás preguntas que lles propuxeron dende o EDLG e presentalas na súa cartolina. Pola súa parte, o Equipo de Biblioteca seleccionou os libros da biblio e recursos atopados en internet a través da pestana que adicamos a este día. Este foi o resultado das investigacións. Noraboa a tod@s polo traballo!!

Preme na imaxe do mural para ver mellor todos os traballos.

Nova recomendación lectora en Radio VI

O alumnado de 6º A de Educación Primaria leron no Plan lector o libro titulado " Lúa en Ningures" da autora Beatriz Maceda. Jose e Alejandra nolo contan na radio.

 

https://www.ivoox.com/recomendacion-lectora-jose-audios-mp3_rf_70309300_1.html

Cómics de 5ºA

 Alumnado de 5º A elaborou estes cómics con temas variados e unhas ilustracións fabulosas.

Podedes velos no seguinte enlace:

DÍA INTERNACIONAL DA RISA

 Alumnado de 4º de Educación Infantil fixo un novo episodio de radio sobre o Día Internacional da risa. Podedes escoitalos en:

https://www.ivoox.com/dia-internacional-risa-audios-mp3_rf_69686802_1.html

XEOGRAFÍAS LECTORAS POR EUROPA

O Equipo de Biblioteca preparou un mural para conmemorar o Día de Europa (9 de Maio) na entrada do cole de 1º e 2º de Educación Primaria sobre Contos Europeos. Estes cursos fixeron debuxos dos personaxes dos contos coa profe Alba na clase de Plástica e os atoparás neste mural.

 Sabedes o título e o autor destes contos? Podedes contestar en "comentarios".

Preme na imaxe para ampliar a foto

Galería de fotos dos debuxos

Se non sabedes as respostas podedes indagar no seguinte Genially premendo na imaxe do mapa:

Para saber máis sobre esta conmemoración, visita a nosa pestana EUROPA.