5º DE PRIMARIA COÑECE OS ESCORNABOT

Preme na imaxe para ver galería de fotos

E pouco a pouco todos os cursos xa coñecen aos novos amiguiños que andan pola biblioteca: os escornabot. Desta vez foi a quenda dos alumnos e alumnas de 5º de Educación Primaria. Estiveron xogando coas tarxetas de orientación espacial, coas letras do abecedario, e coa plantilla "At the theatre" deseñada polo alumnado de 6º de Educación Primaria. 

Toda a información deste proxecto en BIBLIOTECA CREATIVA.

TERCEIRO EPISODIO DO PROXECTO NA RADIO

Publicamos hoxe o terceiro episodio do programa do proxecto A que sabe o mundo? Nel poderedes escoitar os audios preparados por 2º, 4º, 5º e 6º de Educación Primaria e editados polo equipo de técnicos e presentadores de 6º de Educación Primaria: Raquel, Juan, Nerea e Héctor.

Preme na imaxe para escoitar.

Podes seguir a nosa canle de RADIO V.I. en:
https://www.ivoox.com/escuchar-ceip-valle-inclan_nq_437795_1.html

6º RECITANDO A ROSALÍA

MANDADIÑOS DO MECO

 

ESCORNABOTS EN 1º

E continuamos viaxando polos diferentes cursos cos nosos escornabots. Desta vez os de 1º de Educación Primaria fixeron dúas sesións: a primeira no laboratorio e despois na biblioteca. Preme na imaxe para ver a galería de fotos e os diferentes xogos que realizaron.
Máis información en BIBLIOTECA CREATIVA.

Día da lingua materna e Día de Rosalía

Dous datas importantes durante esta semana: o xoves 21, celébrase o Día internacional da lingua materna e o domingo 24 o Día de Rosalía de Castro.

Nós conmemoramos o Día da lingua materna facendo entrevistas ao noso alumnado, algúns mecos e outros nados noutros países e cunha riqueza lingüística importante. Podedes escoitalos en RADIO V.I.

Podes atopar os libros de Rosalía no expositor adicado a ela diante do mostrador de préstamos. E moitos mais recursos na pestana ROSALÍA DE CASTRO.

MARDEFONDO PRODUCCIÓNS DE O GROVE

Alumnado de 6º de Educación Primaria entrevistou na nosa radio escolar a Yago e Victor, os técnicos de Mardefondo Produccións. Estes profesionais viñeron ao cole a gravar uns vídeos dos nenos e nenas falando do Entroido Meco. Podedes escoitar a entrevista no nosa cannle de RADIO VI.

ESCORNABOTS CON 3º PRIMARIA

Galería de fotos

Continuamos os xogos cos escornabot, nesta ocasión con 3º de Educación Primaria. Pouco a pouco todos e todas van coñecendo aos nosos pequenos robotiños "os escornabot". Primeiramente repasaron o aprendido coa actividade previa en Educación Física (Programa ao teu colega) e despois xogaron diferentes xogos de orientación espacial coas tarxetas e o taboleiro. Despois de varios intentos, complicamos o xogo poñendo pezas de xadrez para esquivar. 

Máis información sobre este proxecto en BIBLIOTECA CREATIVA.

RECURSOS ENTROIDO

Expositor de Entroido na biblioteca

O equipo de axudantes de biblioteca xa montou o expositor do Entroido hai uns días. Se queres recordar o que fixemos nos cursos anteriores temos na pestana ENTROIDO unha estupenda memoria das actividades feitas. Ademais nesta páxina atoparedes recursos e información para os vosos disfraces e traballos do Entroido.  

DÍA MUNDIAL DA RADIO

Para celebrar o Día Mundial da radio, o alumnado de 6º de Educación Primaria iniciou un novo programa de opinión na nosa RADIO V.I. Preme na imaxe para escoitalos.

CANTO SABEMOS DAS AVES DE O GROVE?

Preme na imaxe para ver a Galería de fotos

Comezamos esta semana cunha visita no noso centro dos expertos do SEO (Sociedade Española de Ornitoloxía). O alumnado de 6º de Educación Primaria asistiu á charla informativa na biblioteca sobre as aves da nosa contorna, aprenderon os movementos migratorios, como e por que se desprazan, as súas características... 

A continuación, preparados cos prismáticos, as libretas e a roupa de abrigo, marcharon a un dos observatorios de aves que temos no noso Concello e alí fixeron un verdadeiro estudo de campo: localizaron e identificaron os nomes das diferentes especies e as rexistraron nas súas libretas. 

O USO DAS REDES SOCIAIS

O venres tivemos a visita da Garda Civil na nosa biblioteca. O alumnado de 5º e 6º de Educación Primaria asistiu a unha charla informativa sobre o uso das novas tecnoloxías e os riscos de seguridade das redes sociais. 

FINALISTAS NO II PREMIOS DE INNOVACIÓN EDUCATIVA

O traballo do curso pasado vese de novo premiado ao seres finalistas no II Premios de Innovación Educativa. O día 22 de Febreiro celebrarase en Madrid a gala onde elexirán aos gañadores, entre eles o noso cole na categoría "Mejor proyecto STEAM" co proxecto documental integrado do curso pasado: Experimento V.I: Ciencia e tecnoloxía.
Aínda que non gañemos o premio estamos moi orgullosos do recoñecemento da nosa labor educativa. Grazas a todos os que o facedes posible: alumnado, mestres, familias...

Podes participar na votación on-line. É moi doado, so tes que premer na seguinte ligazón:
https://www.poll-maker.com/poll2241498x9CaB4D74-64

FORMACIÓN DE RADIO CON...PONTE NAS ONDAS!

Preme na imaxe para ver a galería de fotos

Hoxe tivemos a visita dos formadores de Radio Escolar 

Ponte nas ondas!

O alumnado de 5º de Educación Primaria pasou toda a mañá na sala de informática perfeccionando o manexo do Audacity. Despois do lecer continuaron a formación para a transmisión en directo. Cuns días máis de práctica xa poderemos emitir en directo dende o CEIP Valle-Inclán para todo o mundo a través de internet. 

Toda a información sobre o Proxecto Radio na biblio aquí.

SORPRESIÑAS DA MOCHILA VIAXEIRA DE 1º

Un dos libros favoritos do alumnado de 1º de Educación Primaria que vai na súa mochila viaxeira é o de manualidades. Estamos moi contentos e agradecidos con todos os traballos que fan coas súas familias e que despois tráenos ao cole para expoñer. Podédelos ver na exposición que fixeron eles mesmos na entrada á súa aula.  Grazas familias pola colaboración!

LIPDUB POLO DÍA DA PAZ

Por fin o tempo dou tregua e hoxe puidemos gravar o Lipdub que ensaiamos durante moitos días. A canción escollida titúlase "Una receta de paz" de Unai Quirós, escollida por estar relacionada co noso proxecto deste curso A que sabe o mundo?

ESCORNABOT EN 5 ANOS

Hoxe tocoulle xogar co escornabot aos nenos e nenas de 6º de Educación Infantil. Na súa sesión de biblioteca aproveitaron para coller libros emprestados coma todos os venres e ademáis coñeceron ao noso escornabot número 2. A plantilla de xogo consistía en localizar a letra e o debuxo da palabra en galego  e programar o escornabot para chegar á casiña correspondente. Cun pouquiño de axuda todos conseguiron chegar á súa letra favorita. O próximo venres continuaremos con máis aventuras pola biblio.

Máis información no Proxecto Biblioteca Creativa.