PRESENTACIÓN DO NOVO PDI ECOARDIA

O novo proxecto deste curso leva por título "EcoArdia". O martes día 27 de outubro será a presentación do mesmo ás familias na Xornada de Portas Abertas que celebraremos na biblioteca de 16:30 a 18:00. Xa temos os retos preparados para todas as familias inscritas. 

 

Dinamización da biblioteca 6º Educación Infantil

 

Comezaron tamén as actividades de dinamización co grupo de 6º de Educación Infantil. Todos os luns acudirán á biblioteca para realizar diferentes actividades creativas: construccións Kappla, construccións Lego, xogos simbólicos con Playmóbil e marionetas, xogos de mesa...

REPARTO DAS PRIMEIRAS LECTURAS NO CLUB DE LECTURA

 

 

 

Comezamos as primeiras asambleas do club de lectura co reparto das lecturas do primeiro trimestre. Como este ano temos moitos participantes tivemos que facer dous grupos. Reunirémonos todos os mércores no tempo de lecer en dúas quendas: un mércores os de 6º e o seguinte os de 5º. Atentos as nosas actividades e datas de asambleas publicadas no seu apartado CLUB LECTOCREA DE ARDIA

PRIMEIRAS SESIÓNS DO EQUIPO DE BIBLIOTECA CREATIVA

 

Os voluntarios/as de 6º de Educación Primraria do Club de Biblioteca Creativa comezaron as súas primeiras sesións de formación en Deseño e Impresión 3D. Podes seguir todas as súas actividades no apartado adicado a BIBLIOTECA CREATIVA.

TEMPOS DE LECER

 

Como todos os cursos, os axudantes de 5º e 6º colaboran na organización das actividades nos tempos de lecer. Este ano as quendas para acudir á biblioteca nos tempos de lecer son as seguintes:

Luns e xoves: alumnado de 1º, 2º e 3º

Martes e venres: alumnado de 4º,5º e 6º

Mércores: Asambleas do Club de lectura e do Club de Biblioteca Creativa. 

COMEZO DUN NOVO CURSO

 

Comezamos o curso 2026-2027 coa presentación do alumnado voluntariado de biblioteca, nenos e nenas de 5º e 6º de Educación Primaria que van realizar tarefas de coidado e organización dos recursos da nosa biblioteca.

FIN DE CURSO 25-26

 

 

Preme na imaxe para ver fotos e vídeos 

 

Despedimos o curso 2025-2026 coa celebración do festival de fin de curso onde fanse entrega de diplomas aos que rematan a etapa de Educación Infantil e aos que marchan para o Instituto. Volveremos o vindeiro curso con máis celebracións, actividades e moito moito que aprender. 

No blog do PDI Voces de Ardia atoparedes as tarefas finais dos diferentes ciclos. Esperamos que disfrutedes e repoñades enerxías durante o verán.

REVISTA 2026

 

ENTREGA DE PREMIOS

 O luns e o martes entregamos os premios aos gañadores do Concurso Anual do Pasaporte Lector onde non só se premia aos máis lectores senón aos traballos presentados das fichas de lectura ao longo de todo o curso. Preme na imaxe para ver os traballos premiados e a entrega de premios.

Aproveitamos tamén para facer entrega dos gañadores dos deseños do Logo do PDI Voces de Ardia e os artistas que debuxaron as mascotas para a Campaña de Mobilidade Sostible deste ano.

 

MULTITUDE DE ACTUACIÓNS NA BIBLIO PARA REMATAR O CURSO

Nestes últimos días pasaron pola biblioteca unha chea de nenos e nenas, uns para actuar e outros para desfrutar dos traballos dos outros grupos.

 

OBRA DE TEATRO DO ALUMNADO DE 5º PRIMARIA

O alumnado de 5º de Ed. Primaria fixo unha pequena representación teatral sobre o uso excesivo das pantallas, no que eles crearon o guión e os decorados. 

 

 

 

REPRESENTACIÓN TEATRAL DE 6º PRIMARIA 

E CANCIÓN EN LINGUA INGLESA DE 5º PRIMARIA.

O alumnado de 6º representou unha obra de teatro sobre os medios de comunicación como tarefa final del área de lingua inglesa integrada no PDI Voces de Ardia. Para rematar a actuación o alumnado de 5º acompañou aos de 6º na representación da canción e coreografía de Radio Gaga de Queen.

 

 

REPRESENTACIÓN TEATRAL DE 6º PRIMARIA "El rey que no sabía reciclar" 

 

Galería de fotos e vídeo 

DESPEDIDA DO CLUB DE LECTURA

 

Os membros do Club de lectura se despiden cunha última xuntanza na que fixeron valoracións das actividades realizadas e das lecturas deste último trimestre. Como recordo, se lles entregaron uns pequenos agasallos. Esperamos que os de 5º continuen no Club o vindeiro curso e que as de 6º se apunten tamén aos clubs do instituto.

Podes ver todas as actividades do club premendo no logo de CLUB LECTOCREA DE ARDIA. 

LIMPEZA DAS PRAIAS DE A TOXA POLO DÍA DO MEDIO AMBIENTE

 O 5 de Xuño, día do Medio Ambiente, saímos todo o colexio a limpar as praias da Illa de A Toxa. Educación Infantil fixo o traslado no Turitren grazas á colaboración do Concello de O Grove mentres que o alumnado de Primaria realizou o traxecto camiñando. Despois da limpeza, tocou as merendas e finalmente rematamos a xornada con xogos polos que ían rotando os diferentes cursos. 

CHARLA INFORMATIVA CONSUMO RESPONSABLE

 

Todo o alumnado de Educación Infantil e Primaria recibiron na nosa biblioteca a un experto da Escola Galega de Consumo grazas á Campaña polo Día do Consumidor que organizaron en diferentes centro educativos de Galicia.  Tras unha pequena charla informativa, os nenos e nenas participaron en diferentes xogos para concienciarse da necesidade de facer un consumo responsable.

CHARLA INFORMATIVA SOBRE AS ESPECIES INVASORAS

 

 

 

O alumnado de 5º de Educación Primaria recibiu unha charla informativa sobre as especies invasoras, en especial sobre a herba da Pampa organizada pola Asociación Galega Ambiental, actividade dentro do marco do proxecto Life Coop Cortadeira da Unión Europea. Además da charla todos os nenos e nenas levaron para casa o seu conto sobre as especies invasoras dos Bolechas.

CONTACONTOS EN 6º DE ED. INFANTIL

 

Alumnado de 4º de Educación Primaria acude as aulas de 6º de Educación Infantil para lerlles contos no tempo da "hola de ler".

HORTO 2026

 

As parcelas do noso horto construido co PDI Mans de Terra no curso 2016-2017 segue a ter a súa produción de leitugas, tomates, plantas aromáticas... plantación feita polo alumnado de Educación Infantil.

CINE SEIXO e MÁIS.

 

O alumnado de 3º,4º e 5º de Educación Primaria aproveitou a súa saída de fin de curso para visitar o Cine Seixo en Marín. A película que viron foi "La familia Beneton 2. Una comedia sin fronteras".

Preme na imaxe para ver todas as actividades que fixeron durante esta saída.

XOGO LETRAS GALEGAS

 

Para celebrar o Día das Letras Galegas, o Equipo de Dinamización da Lingua Galega organizou un xogo de investigación no que o alumnado tiña que escanear uns códigos QR para escoitar uns audios que contiñan información sobre Begoña Caamaño e adiviñar que mestre ou mestra era a que falaba no audio.

A COMPAÑÍA DE TEATRO ACTÚATE VISITA POR SEGUNDA OCASIÓN O NOSO COLE

 

Hai dous cursos escolares a compañía da artista Ariadna "Actúate" visitou o noso cole para ensinar o seu espectáculo en lingua inglesa. Este ano tivemos a sorte de poder contar con ela outra vez. Esta vez a obra de teatro musical baseuse na cidade de Londres e cantamos moitas cancións dos Beatles. A actividade foi valorada positivamente tanto polo alumnado como polo profesorado de lingua inglesa.

Preme na imaxe para ver algunas das fotos e vídeos que se fixeron na actuación.

CONTACONTOS POR UN DÍA

 

Como todos os anos propuxemos ás familias de Educación Infantil celebrar o Día da familia no colexio coa actividade "Contacontos por un día". Moitas grazas a todos os que participáchedes de forma voluntaria, aos vosos fillos e fillas encántalles a vosa visita ao colexio e máis para lerlles contos e facer actividades tan divertidas. Esperamos contar con todos para a vindeira celebración.

Preme na imaxe para ver a galería de fotos.

MURAL DÍA DAS ARTES GALEGAS

O alumnado de Infantil e Primaira con motivo do Día das Artes Galegas decorou este mural do noso colexio coloreando con rotuladores e seguindo uns modelos  que asemellan as cores e as figuras de Sargadelos. 

Preme na imaxe para ver a galería de fotos

CONCURSO DESEÑO DA MASCOTA DA CAMPAÑA DE MOBILIDADE SOSTIBLE

 

 

Como todos os anos o colexio organiza durante o terceiro trimestre a campaña de mobilidade sostible animando á comunidade educativa a empregar medios de transporte para acudir ao cole menos contaminantes. Previo á campaña faise o Concurso de deseño da mascota que servirá para facer pegativas que se porán no pasaporte que cada neno  e nena terá que traer todos os días que veña camiñando, en patinete ou no autobús. Se premes na imaxe poderás ver todos as mascotas deseñadas por todo o alumnado do centro.

OBRADOIROS DE FORMACIÓN EN PROGRAMACIÓN COMPUTACIONAL

 No mes de maio realizáronse os cursos de formación co alumnado de 6º de Educación Infantil e con 4º de Educación Primaria programados ano tras ano dentro do Programa de Biblioteca Creativa.

Galería de fotos 4º Educación Primaria

Galería de fotos de 6º Ed. Infantil

Actividades pola semana da prensa e o día da muller.

 

Xa tedes no blog do PDI Voces de Ardia as actividades realizadas pola semana da prensa e o Día da muller:

-Xogos de memory e puzzles sobre mulleres da prensa en Educación Infantil.

 

-Mural-xornal colaborativo sobre mulleres da prensa en Educación Primaria.

-The Voices of Ardia, mural de noticias en lingua inglesa. 

 

 

Obradoiro de Xadrez en Primaria

 

Durante a segundo quincena do mes de Abril fixéronse varios obradoiros de xadrez para todos os nenos e nenas de Educación Primaria que quixeran participar durante o seu tempo de lecer. Preme na imaxe para ver a galería de fotos.

 

Saída do Club de lectura a Santiago de Compostela

 Visitamos o Centro dramático galego con motivo da lectura de varias obras de teatro. Alí puidemos descubrir todo o que acontece detrás dos telóns, o funcionamento das poleas que moven decorados e telóns, a importancia do atrezzo, visitamos os camerinos, subimos ao escenario e a sala de control de sons e luces. Despois da merenda, percorrimos as rúas do casco histórico e os nenos e nenas experimentaron unha xornada de convivencia co alumnado do Club de Lectura do Ceip As Bizocas, compartindo unha actividade de busca de prazas no noso percorrido pola cidade. Finalmente paramos na Alameda para tomar o xantar. 

Podes consultar todas as actividades do club de lectura na súa pestana. 

 

Galería de fotos 

 

 

 

Creación de Bookface polo mes do Libro en Infantil e Primaria

 

Durante o mes de Abril o Equipo de Biblioteca propuxo a todo o centro a creación de Bookfaces para conmemorar o Día do Libro. Cada aula realizou diferentes fotografías cos libros da biblioteca. Preme na imaxe para ver o resultado. 

Actividade interetapas: Padriños e madriñas lectoras

 

Para celebrar o Día do libro, un ano máis o equipo de biblioteca organizou a actividade interetapas dos "Padriños e madriñas lectoras" onde os maiores leron aos pequenos e pequenas do colexio moitísimos contos da nosa biblioteca. 

Preme na imaxe para ver a galería de fotos.

Xogos tradicionais da Festa da Pascua en Lingua Inglesa

 

A mestra de Lingua Inglesa organizou esta semana co alumnado do 2º ciclo de Educación Primaria uns xogos no patio de búsqueda de ovos de Pascua. Cada equipo tiña que atopar os ovos do súa cor e seguindo unha orde anotar as pistas que lían dentro dos ovos.

 Xogaron tamén a carreira da culler co ovo para gañar letras para formar palabras en inglés do vocabulario estudado neste 2º trimestre.

Preme na imaxe para ver a galería de fotos.

 

Visita da escritora Érica Esmorís

 

 

 

O alumnado de 5º e 6º de Educación Primaria recibiu na nosa biblioteca a visita da escritora Érica Esmorís tras a lectura do seu libro "Erin e o lobo" (XL Premio Merlín) Este libro é unha emocionante historia sobre a forza das palabras, a beleza dos vínculos invisibles e o desexo profundo de atopar un lugar no mundo. Lectura que escolleu este ciclo dentro da programación do Plan de lectura. Despois da presentación da escritora, todos puideron facerlles preguntas sobre o libro e finalmente firmoulles a cada un o seu libro. 

 

PEPA e MARTIÑO, "OS CORVOS MARIÑOS" en EDUCACIÓN INFANTIL

 

 

 

O alumnado de Educación Infantil tivo a sorte de recibir na nosa biblioteca a uns expertos do Parque Nacional das Illas Atlánticas. Viñeron a falarlles das paisaxes das illas, da vida mariña e terrestre e das especies de cada unha delas e por suposto do Cormorán moñudo ("corvo mariño") especie en perigo.

Realizaron diversas dinámicas participativas: 

• Os amigos de Pepa e Martiño: xogo sobre as especies que habitan nas illas.
• Ónde viven Pepa e Martiño?: mostráronlles as paisaxes das illas.
• A vida de Pepa e Martiño: contacontos sobre a vida dun cormorán.

Formación de usuarios de biblioteca en 3º e 4º de Educación Primaria.

 

 

O alumnado de 3º e 4º de Educación Primaria realizou as sesións de formación de usuarios de biblioteca durante a segunda metade do mes de Febreiro e a primeira semana de Marzo. Nos catro grupos aprenderon que significan as etiquetas e numeracións dos libros e para que serve. (CDU e número de rexistro do libro). Despois de explicarlles como se colocan nas estanterías e nos expositores, procederon a localizar libros que estiveran mal colocados tanto na sala dos contos como na sala dos libros informativos.

Preme na imaxe para ver a galería de fotos. 

O Equipo Voluntario de Biblioteca Creativa finaliza o curso de Impresión 3D e comeza obradoiro de creación de chapas

 

As voluntarias de 6º de Educación Primaria que forman o equipo de Biblioteca Creativa finalizaron xa os seu deseños de Impresión 3 D e comezaron a primeira sesión de creación de chapas. Preme na imaxe para ver todos os seus traballos creativos.

 

Obradoiro Ecopercusión con 5º e 6º Primaria

 

 

 

O alumnado de 5º e 6º de Educación Primaria realizou na aula de Música un obradoiro de percusión empregando material de refugallo. Despois dunha sesión intensiva de case dúas horas, remataron cunha actuación para os cursos inferiores. Que rápido aprenden e que ben o fixeron!! 

Preme na imaxe para ver as fotos e vídeos. 

Formación de usuarios de biblioteca en 1º e 2º de Primaria

 

Durante a primeira quincena de febreiro o alumnado do 1º ciclo de Educación Primaria recibiu a formación de usuarios de biblioteca. Primeiro explicamos as etiquetas e números de rexistro dos libros e desopois como están colocados nos andeis e nos expositores. Finalmente fixemos un xogo onde eles tiñan que atopar libros mal colocados e poñelos no seu sitio correcto fixándose na CDU, a cor que indica a idade recomendada e o idioma no que estaba escrito o libro.

 

Recitando a Rosalía en colaboración con outros centros de O Grove

O alumnado voluntario de biblioteca de 5º e 6º de Educación Primaria colaborou na gravación deste vídeo organizado polo Grupo cultural de Breogán recitando "Campanas de bastabales", homenaxe a Rosalía de Castro polo 23 de Febreiro.

 

 

 

Memorizacións e ensaios na sala creativa 

 

 

ENTROIDO VOCES DE ARDIA 2026

 

Xa tedes todas actuacións do Entroido Voces de Ardia publicadas no blog do PDI. Preme na imaxe para acceder.

Obradoiro de máscaras e contacontos en 4º Ed. Infantil

 

Previo á celebración do Entroido o alumnado de 4º de Educación Infantil tivo a visita  de Paula, a nai de Mía que impartiu un obradoiro de máscaras e fixo un contacontos na aula da súa filla. Grazas familias, pola vosa colaboración!

Preme na imaxe para ver máis fotos.

Mandadiño do xoves

" A noticia que máis esperas

o xoves vén como queiras! "

Mandadiño do mércores

 

 

"O mércores sairemos nun programa 

vestidos con pixama"

 

Mandadiño do martes

 

"O martes para ler o xornal

trae gafas de carnaval"

Comezamos cos mandadiños do Entroido

 

"O luns, como un reporteiro

trae na cabeza un sombreiro"