venres, 23 de decembro de 2022

GUÍA DE LECTURAS E CINE NADAL 2022

O Equipo de Biblioteca despide este primeiro trimestre publicando como todos os anos unha guía de recomendacións lectoras. Este curso vai relacionada co Proxecto Alucine así que ademáis de lecturas atoparedes nela unha selección de películas dalgúns dos libros que temos na nosa biblioteca. Esperamos que a disfrutedes e Felices Festas para tod@s!! 


Esta guía pode darvos algunha pista para resolver o reto das 12 películas. Visita o blog do PDI Alucine e participa escribindo en Comentarios.

CAMPANADAS DO VALLE-INCLÁN E FESTA FIN DE TRIMESTRE

 Para rematar a mañá do día 22 de Decembro, todo o cole celebrou a festa das campanadas no ximnasio. Dous representantes de 6º de Ed. Primaria leron o discurso de despedida deste ano 2022 que elaboraron coa axuda do Equipo de Biblioteca reúnindo nel as ideas e sentimentos que nos transmitiron os nenos e nenas de 5º e 6º de Primaria.

A continuación se escoitaron as campanadas e comimos cada un de nós 12 gusanitos.

Para rematar a festa cantamos e bailamos unha canción baixo a dirección do mestre Bruno e o acompañamento de guitarra do mestre Gael.

Preme na imaxe para ver o álbum de fotos e vídeos


VISITA DE PAPÁ NOEL

 Como todos os anos, o último día de clase antes das vacacións de Nadal tivemos a visita de Papá Noel. Primeiro visitou os cursos dos máis pequenos e logo subiu ata a primeira planta para ver aos máis maiores.



mércores, 21 de decembro de 2022

XOGO DE ESCAPE POLO NADAL

 Dende o venres día 16 de Decembro todos os cursos participaron na busca do Papá Noel desaparecido. Seguindo unhas pistas e resolvendo probas todos os cursos conseguiron descubrir que lle pasara a Papá Noel e que por fin está de novo na súa casa lendo todas as cartas que lle escribimos.

As diferentes probas estiveron adaptadas aos diferentes ciclos. Aquí vos deixamos a Galería de Fotos dalgúns grupos e o vídeo das imaxes que captaron estes últimos días as cámaras de seguridade do cole desvelando o paradero de Papá Noel.

Preme na imaxe




martes, 20 de decembro de 2022

PANEL DAS EMOCIÓNS

 


O alumnado dende 3º a 6º de Ed. Primaria realizou no último obradoiro das emocións un panel onde representan as emocións que sinten nese momento. Ademais fixeron tamén un blob tree, test creado polo psicólogo Pip Wilson experto no campo da formación e o desenvolvemento da intelixencia emocional. O blob tree é unha ferramenta psicoterapeútica que consiste en identificarnos mediante a linguaxe corporal cun ou varios dos debuxos da árbore que representan emocións ou situacións sociais. Deste xeito o blob representará como nos vemos a nós mesmos e onde nos gustaría estar na árbore.

PROXECTO DE AULA CORPO HUMANO (3ª FASE)

 


O alumnado de 4º A remata o seu proxecto de aula sobre o corpo humano compartindo o que investigaron cos nenos e nenas de 6º de Ed. Infantil. Agora son verdadeiros expertos deste tema. Preme na imaxe para ver a Galería de fotos.

luns, 19 de decembro de 2022

ACTIVIDADES POLO DÍA DAS PERSOAS CON DISCAPACIDADE

 

Na semana do 5 ao 9 de Decembro o Departamento de Orientación dirixido polo mestre Sergio reservou un tempo para falar co alumnado de Ed. Primaria sobre a discapacidade. Aproveitando o PDI Alucine proxectouxe a curta "Lo incorrecto. Una nueva mirada hacia la discapacidad".

O mundo está cheo de persoas, animais e cousas... e non hai ningunha igual. Quizais sexa isto o que o fai tan bonito. Entre todas as diferencias, hai algunhas que fan que cada persoa sexa única. Entender a discapacidade é sinxelo cando somos capaces de identificar en nós mesmos aquelas tarefas que nos supoñen máis esforzo e dificultade para levalas a cabo. Todos temos capacidades diferentes. Nas persoas con discapaciade é igual que nas demais persoas só que en aspectos que dificultan algunhas tarefas básicas da súa vida: a forma de ver, falar, entender, comunicar, camiñar... pero no resto somos igual ca ti. (Diferentes, Guía ilustrada sobre a diversidade e a discapacidade. Fundación ADECCO).

Enlace á curtametraxe:



Por outra banda, o alumnado de Educación infantil fixo unha actividade na que, cos ollos tapados e con axuda
dun compañeiro, debían recorrer un circuíto con obstáculos.


Na pestana adicada a esta conmemoración podedes atopar recursos seleccionados polo Equipo de Biblioteca e as actividades que se fixeron nos anos anteriores.



venres, 16 de decembro de 2022

UNHA MALETA MISTERIOSA

 


Hoxe atopamos no corredor da planta baixa esta maleta. Ten unha nota que di: Se a Papá Noel queres atopar, esta maleta non te atreverás a tocar. 

xoves, 15 de decembro de 2022

ACTIVIDADES REVITALIZA

 


O venres 2 de decembro os cursos de 4º e 5º de Educación Primaria recibimos a visita de
Marcelo e Abel, do Plan Revitaliza.
O alumnado de 4º fixo a actividade de “Microcompostaxe na aula”. Primeiro déronnos una
explicación do proceso, da importancia e beneficios da compostaxe. A continuación
construímos un minicomposteiro que nos deixaron na aula.

Co curso de 5º a actividade xirou ao redor do PH do solo. Con ela aprendemos que a terra das
hortas sexa fértil precisa gran cantidade de nutrintes (Nitróxeno, potasio, Calcio...). os cales
conseguimos mediante a compostaxe. Tamén fomos comprobar o PH da terra da nosa horta
(que resultou moi rica en nutrintes) e revisar o estado do noso composteiro.


NOVA DE ÚLTIMA HORA: DESAPARECEU PAPANOEL

 


No día de onte apareceron misteriosamente estes avisos por todo o cole. Non sabemos moito do tema pero estamos moi preocupados e desexando atopar a Papa Noel. Atentos por se aparecen máis pistas!

venres, 9 de decembro de 2022

EXPOSICIÓNS DE TRABALLOS

 


Outro grupo que estivo traballando contidos científicos en galego foi o curso de 6º B de Educación Primaria. Realizaron murais sobre o aparello respiratorio e logo fixeron e gravaron as exposicións na biblioteca. Preme na imaxe para ver a Galería de fotos.

PODCASTS CIENTÍFICAS GALEGAS

 

Galería de fotos

Durante o mes de Novembro, foron varios cursos os que realizaron traballos de investigación relacionados coa Ciencia. Hoxe imos contarvos o que fixeron os alumnos e alumnas de 5º de Educación Primaria. O Equipo de Biblioteca propúxolles investigar sobre científicas galegas.
Na primeira sesión estiveron buscando na sala dos libros informativos e nos ordenadores, seleccionaron a información e prepararon o guión para o programa de radio Aprende con Nós.
Nas seguintes sesións foron por quendas a gravar ó estudio de radio.
O resultado foi o seguinte podcast:


mércores, 7 de decembro de 2022

VOLUNTARIADO DE BIBLIOTECA

 


O equipo de axudantes voluntarios de Biblioteca de 5º e 6º de Ed. Primaria non paran de facer tarefas nos tempos de lecer: axudar aos pequenos no uso dos ordenadores e nas tablets, lerlles contos, facer representacións coas marionetas, buscar e colocar libros. Ultimamente non paran de selar libros colaborando no rexistro e catalogación das últimas novidades.

CONCURSO CON BUENA LETRA

 A alumna Noa de 4º de Educación Primaria presentou no pasado mes este estupendo traballo no 7º Concurso Con buena Letra. Esperamos que teña moita sorte!




luns, 5 de decembro de 2022

venres, 2 de decembro de 2022

PROXECTO DE AULA CORPO HUMANO EN 4º (SEGUNDA PARTE)

 As rapazas e rapaces de 4º A continúan a investigar sobre o corpo humano. Facendo uso dos marabillosos libros da biblioteca, tarxetas Montessori, vídeos de Happy Learning, "Érase unha vez o corpo humano"... Murais informativos son fontes das que obtemos tamén a información.

Sabiades que existe un sistema chamado nefrourinario? Sabiades que as encimas actúan no noso estómago para desfacer a comida? Credes que é posible que unha lesión no cerebro nos faga confudir unha muller cun sombreiro? E todo o que nos queda por descubrir... 

Seguiremos informando porque que haberá máis sobre este proxecto de aula tan chulo. 



xoves, 1 de decembro de 2022

ACTIVIDADES DO CLUB DE BIBLIOTECA CREATIVA


XOGOS STEM

Alumnado de 6º de Educación Primaria está a participar no Club de Biblioteca Creativa, que se leva a cabo cada 15 días na nosa biblioteca. A principios de curso repasaron os seus coñecementos de programación e diseño 3D que fixeran o curso pasado e fixeron regletas para os nenos e nenas de Ed. Infantil. 
Logo aprenderon a manexar a máquina de chapas e fixeron unha chea delas co logo do PDI Alucine . 
Agora están a construír pequenos robots para crear algo moi especial... Estade atentos as súas actividades porque non paran de traballar estes voluntarios.

Impresión 3D

Elaboración de chapas ALUCINE

Entrega de regletas a 6º de Ed. Infantil



luns, 28 de novembro de 2022

OBRADOIROS DE EMOCIÓNS

 O alumnado dende 3º ata 6º de Educación Primaria está participando nuns obradoiros para identificar as emocións. Falaron sobre o que son as emoción, os diferentes tipos de emocións que coñecen, que non hai emocións malas... e o máis importante, a diferencia entre o bo trato e o maltrato, incidindo que non só existe a violencia física, que se molestamos a alguén con dicindo ou facendo algo que sabemos que lle fai dano, tamén estamos agredindo.

Nos diferentes cursos fixeron xogos adaptados a súa idade: Nalgúns experimentaron sensacións ao tapar os ollos e tocar a plastilina, outros cursos xogaron a adiviñar figuras construídas con plastilina e os maiores do cole axudaban aos que tiñan os ollos tapados a construír as figuras e aprender así a traballar xuntos e descubrir que axudar aos demáis fai que nos sintamos ben.



venres, 25 de novembro de 2022

VÍDEO POLO 25 N (CONTRA A VIOLENCIA DE XÉNERO)

 O alumnado de todo o centro dende Ed. Infantil ata 6º de Ed. Primaria participou na creación deste vídeo para conmemorar o Día contra a Violencia de Xénero organizado polo Equipo de Dinamización Galega. Durante toda esta semana todos os cursos estiveron facendo algunhas das gravacións no Croma da Biblioteca Creativa e outras en diferentes zonas do colexio. Finalmente, no día de hoxe foron a ver o resultado da película á sala de Cine. Nalgúns cursos aproveitaron para pintar as unllas de cor violeta.


Preme na imaxe para acceder ao vídeo

Preme na imaxe para ver as fotos



ACTIVIDADE "PLANTANDO ÁRBORES"

 




O alumnado dende 3º a 6º de Educación Primaria participou a semana pasada nunha actividade titulada "Plantando árbores". É un proxecto que xunta o coidado do medio ambiente ca arte, onde o rapaces e rapazas de 5º e 6º  fixeron bocetos que enviaron ao artista e logo creou o deseño dun mural. O resultado final fíxose na parede do patio cuberto do colexio de forma colaborativa usando pintura fotocatalítica anticontaminación (absorben gases contaminantes, facendo a función dunha árbore) 

Co alumnado de 3º e 4º pintaron cada un unha bolsa de tea, tamén coa pintura ecolóxica. Os nenos e nenas puideron mellorar a súa creatividade e mostrar as súas dotes na área da Educación Artística. Agora dispoñen dunha bolsa reutilizable para levar as súas cousiñas e ao mesmo tempo contribuir ao coidado do medio ambiente.



venres, 18 de novembro de 2022

RETOMANDO ACTIVIDADES INTER-ETAPAS

 

Preme na imaxe para ver a Galería de fotos

Con motivo da celebración do Día da Infancia que será este domingo día 20 de Novembro, as mestras de 1º de Ed. Primaria e a de 6º de Ed. Infantil xuntaron aos seus alumnos e alumnas para facer unha actividade inter-etapa e favorecer a transición entre as dúas etapas educativa. Elaboraron un gran mural coas súas manciñas e decoraron con moitas cores. Por parellas debuxaron o contorno das máns e logo cada un decorou e personificou a súa.
Tamén aprenderon todos xuntos a canción dos dereitos de "Los Lunnis".

xoves, 17 de novembro de 2022

PROXECTO DE AULA CORPO HUMANO DE 4ºA (PRIMEIRA PARTE)

 


O alumnado de 4º A realizou un traballo de investigación sobre o corpo humano. Preme na imaxe para ver as fases deste proxecto. Noraboa rapaces e rapazas!

SESIÓN DE BIBLIOTECA DE 4ºB

 


O alumnado de 4º B aproveita moi ben os novos espazos da biblioteca. Na última sesión, ademais de facer os préstamos semanais, leron as fichas de lectura que fixeron na casa dos libros que levaron, compartindo as súas opinións e mostrando a súa mellora na escrita, "escribindo a biblioteca" como o lema das bibliotecas escolares de Galicia deste curso 2022-2023. 

mércores, 16 de novembro de 2022

FORMACIÓN DE USUARIOS EN 1º PRIMARIA

 


Pouco a pouco todos os cursos van pasando pola biblioteca para facer préstamos, xogar na sala creativa e por suposto facer as sesións de formación. O martes foi a quenda do alumnado de 1º de Ed. Primaria.

martes, 15 de novembro de 2022

XOGOS POPULARES NO MAGOSTO

 


O pasado xoves 10 de Novembro celebramos no colexio a festa do Magosto: degustación das castañas asadas e xogos populares para todos e todas dende Infantil ata 6º de Ed. Primaria pasaron polos 9 xogos organizados polo Equipo de Actividades Extraescolares e Complementarias. Preme na imaxe para ver as fotos.

luns, 14 de novembro de 2022

FORMACIÓN DE USUARIOS EN 2º PRIMARIA

 


Alumnado de 2º de Ed. Primaria tamén fixo xa a súa primeira sesión de formación de usuarios na nova zona dos contos. Demos unhas pequenas pistas de onde e como se colocan os libros na biblioteca e logo a xogar... na procura dos libros das tarxetas. 

luns, 7 de novembro de 2022

FORMACIÓN DE USUARIOS EN 3º PRIMARIA

 


Todos os xoves o alumnado de 3º de Ed. Primaria asiste á biblioteca para facer diferentes actividades: lectura libre, selección de libros, xogos de mesa, busca de información... pero este día tocou formación de usuarios. Que fixeron? 
Primeiro escoitaron as explicacións da responsable da biblioteca en canto ao coidado dos libros e a súa colocación nos expositores, andeis e carros. Logo retámolos a facer un xogo de busca dándolles algunhas pistas. Finalmente houbo que colocar de novo os libros no seu sitio.
Preme na imaxe para ver a Galería de fotos.

venres, 4 de novembro de 2022

ACTIVIDADE DE EXTENSIÓN CULTURAL NO NOVO AUDITORIO DE O GROVE

 Todo o alumnado dende 1º ata 6º de Ed. Primaria acudiu hoxe ao novo Auditorio de O Grove onde puideron coñecer os instrumentos de vento presentados por algúns dos músicos da Escola de Música de O Grove. Preme na imaxe para ver a Galería de fotos.



mércores, 2 de novembro de 2022

O CLUB LECTOCREA DE ARDIA REÚNESE DE NOVO

 O club de lectura segue crecendo e trala lectura de Cerrado por fantasmas, pasamos a facer lectura dunha obra de teatro titulada "Historia dunha sobreira", que se da tempo, prepararemos para unha actuación previa ás vacacións de Nadal.



venres, 28 de outubro de 2022

SAMAÍN 2022

Nesta última semana realizáronse unha chea de actividades pola celebración do Samaín baixo a coordinación do Equipo de Actividades Extraescolares e Complementarias e a colaboración da Comunidade Educativa: Alumnado, mestres e familias. 


CABAZAS DE ALUCINE
Como todos os anos as familias participan na decoración das cabazas cos seus fillos e fillas. Este ano pedímoslles que as decoraran coa temática do Proxecto Alucine.

TÚNEL DO MEDO
O Equipo de mestres de Actividades Extraescolares e Complementarias prepararon un túnel do medo polo que pasaron todos os cursos dende 4º de Infantil ata 6º de Primaria. Pasárono de medo!

QUEN SABE DE XULIA? Lectura de 6ºA
O alumnado de 6º A realizou unha lectura na biblioteca en varias quendas na chamada "Hora de ler" para o alumnado de 3º á 6º de Educación Primaria. A historia que contaron vai dunha nena chamada Xulia que desapareceu hai anos no noso cole...Quen sabe de Xulia? 
Xa podedes escoitala na nosa canle de RADIO V.I.

Ensaios da lectura co mestre Alejandro

Hora de ler na biblioteca. Preme na imaxe

CONTACONTOS de 6º B
Ao mesmo tempo, o alumnado de 6º B realizou pequenas lecturas de contos de medo nas clases de 1º e 2º de Educación Primaria e 6º de Educación Infantil. Tamén podemos escoitalos na nosa radio.



CINE DE MEDO
O alumnado de diferentes cursos acudiu á sala de Cine da biblioteca para ver curtametraxes de medo. 

CONTACONTOS POR UN DÍA EN INFANTIL
As familias participaron nesta actividade que xa hai anos que facemos por estas datas nos cursos de Educación Infantil. Pedímoslles que acudan ás aulas dos seus fillos e fillas para lerlles contos de  Samaín. Preme na imaxe para ver máis fotos.


MURAL ENGLISH AND ARTS CLASSES
 Alumnado de 1º, 2º e 3º de Ed. Primaria decora á entrada á clase de Lingua inglesa con manualidades relacionadas co Samaín e a estación do Outono.

SELECCIÓN DE LIBROS
O Equipo de biblioteca coa axuda dos axudantes de 6º fixeron unha ampla selección de libros relacionados co Samaín, Halloween e os medos.

luns, 24 de outubro de 2022

ÉXITO TOTAL NA INAUGURACIÓN DA BIBLIOTECA

No CEIP Valle-Inclán celebramos o Día das bibliotecas o xoves pasado para non coincidir esta celebración coas actuacións de Samaín.

O día 20 de Outubro abrimos as portas do colexio á Comunidade Educativa para facer a inauguración da ampliación da biblioteca que levamos a cabo o curso pasado ao seren seleccionados pola Asesoría de Bibliotecas de Galicia para formar parte dos Centros LIA.3

Ás 17 h comezaron a chegar as primeiras familias e aproveitamos para facer fotocol de todas elas a medida que ían chegando.

Logo o director mais a coordinadora da biblioteca fixeron unha pequena presentación dos novos espazos e do proxecto documental deste curso: ALUCINE.  Animaron ás familias a participar na xincana que organizara o Equipo de biblioteca en colaboración coa totalidade dos mestres.

1. Zona de escenario: Xogo de mímica. 

2. Zona dos contos: Xogo de busca de libros.

3. Zona dos xogos creativos: Construír con Kapla.

4. Zona do Croma: Actuacións en función do fondo elexido.

5. Cine: Visionado da película da transformación da biblioteca.

6. Robótica: Xogos cos escornabots e o Beebot.

7. Zona de investigación: Xogo de busca de información.

8. Estudio de radio: Entrevistas de fillos/as aos familiares.

Cada familia levaba un pasaporte coas 8 zonas polas que podían pasar a facer os diferentes retos. Por cada zona superada se lles poñía unha pegatina no pasaporte.

Finalmente reunímonos de novo na sala dos libros de ficción para facer un sorteo de agallasos entre todas as inscricións recibidas e despedirnos animando ás familias a facer uso dos novos recursos nas tardes dos luns, mércores e xoves de 16h. a 18h. 

A participación activa das familias fixo que fora un día especial e inesquecible. Grazas a todos por vir e implicarvos nas nosas propostas.

Deixamos aquí un video resumo do que foi esta celebración e un enlace á galería de fotos.


Preme na imaxe para ver o vídeo resumo

Preme na imaxe para ver a Galería de fotos


xoves, 20 de outubro de 2022

HISTORIA DA NOSA BIBLIOTECA

 


Película elaborada polas axudantas de biblioteca de 6º de Educación Primaria e a colaboración da mestra de 6º de Educacion Infantil e os seus alumnos e que se estrenou esta tarde na Xornada de Portas Abertas para facer a Inauguración da ampliación da biblioteca.

Edición da película: Director Ramón López.

Preme na imaxe para ver o vídeo.

mércores, 19 de outubro de 2022

PRIMEIRA PELÍCULA SOBRE A HISTORIA DE ESPAÑA

 


O alumnado de 4ºA empregou o Croma da Sala Creativa para facer a súa primeira película sobre a Historia de España, a maneira máis divertida de aprender. Noraboa rapaces e rapazas polo voso esforzo.

Preme na imaxe para acceder ao vídeo. 

luns, 17 de outubro de 2022

17 de Outubro, DÍA DAS ESCRITORAS 2022

Axudantes na procura das nosas escritoras (Preme na imaxe para ver máis fotos)

 O Equipo de Biblioteca coa colaboración dos axudantes de 6º de Educación Primaria elaborou unha guía de lecturas cos fondos bibliográficos dalgunhas das escritoras galegas que podemos atopar na nosa biblioteca. Descubrimos que temos moitas!!!

Visita o libro que crearon para darlle visibilidade as nosas escritoras coa aplicación BookCreator premendo na portada: