Biblioteca do CEIP Valle-Inclán O Grove: PERSOAS CON DISCAPACIDADE

Preme na imaxe para ver a guía de lecturas recomendadas

En 1992, Nacións Unidas proclamó o día 3 de decembro: Día Internacional das Persoas con Discapacidade. Tras un período de toma de conciencia e de medidas orientadas cara á acción e destinadas á mellora da situación das persoas con discapacidades así como á consecución da igualdade de oportunidades, a Asamblea fixo un chamamento aos Estados Membros para que destacaran a celebración do Día, con miras a fomentar unha maior integración na sociedade.

Visita o noso taboleiro de recursos en Pinterest.

ACTIVIDADES 2023

En Educación Infantil construiron coas pezas Lego o seu nome segundo o alfabeto en Braille. En Educación Primaria tiñan que adiviñar a mensaxe que lles poñían os compañeiros.

Xogo "Atopar o tesouro" e Voleibol Sentado en 1º Ciclo de Educación Primaria.

Xogos de lanzamentos de precisión desde a posición de sentados e Goalball en 3º Primaria.

Xogos co Abecedario Dactidolóxico: Dicir o seu nome e Adiviñar a palabra.

ACTIVIDADES 2022

Na semana do 5 ao 9 de Decembro reservamos un tempo para falar co alumnado de Ed. Primaria sobre a discapacidade. Aproveitando o PDI Alucine proxectamos a curta "Lo incorrecto. Una nueva mirada hacia la discapacidad".

O mundo está cheo de persoas, animais e cousas... e non hai ninguha igual. Quizás sexa isto o que o fai tan bonito.

Entre todas as diferencias, hai algunhas que fan que cada persoa sexa única. Entender a discapacidade é sinxelo cando somos capaces de identificar en nós mesmos aquelas tarefas que nos supoñen máis esforzo e dificultade para levalas a cabo. Todos temos capacidades diferentes. Nas persoas con discapacidade é igual que nas demais persoas só que en aspectos que dificultan algunhas tarefas básicas da súa vida: a forma de ver, falar, entender, comunicar, camiñar... pero no resto somos igual que ti. (Diferentes, Guía ilustrada sobre a diversidade e a discapacidade. Fundación ADECCO).

Enlace da curta:

https://www.youtube.com/watch?v=SBLiBLb23ZA&t=2s

O alumnado de Educación infantil fixo unha actividade na que, cos ollos tapados e con axuda

dun compañeiro, debían recorrer un circuíto con obstáculos.

ACTIVIDADES 2020

Videoconferencia con Enrique Navas (Tite), gran deportista que quedou a dúas décimas en Natación para ir as paralimpiadas de Río de Xaneiro. Actualmente está entrenando co Club de piragüismo Breogán de O Grove perseguindo o seu soño de ir ás seguintes paralimpiadas.