AUDIOCONTOS DO CLUB LECTOCREA

 O Club de lectura formado por alumnado de 5º e 6º ten en marcha diferentes actividades neste segundo trimestre. Estiveron preparando audiocontos e durante varias semanas foron por quendas ao estudo de radio a gravar. 

Galería de fotos 

Fase de preparación: selección de contos e busca de efectos sonoros.

Podedes escoitar o resultado na nosa canle de RADIO V.I, no programa de AUDIOLIBROS V.I.

Deixamos aquí os enlaces aos podcast. Recorda esperar uns segundos, o programa comezará despois da publicidade. Se o escoitas no móbil é mellor baixar a aplicación de IVOOX.

Sheila e Lara: https://www.ivoox.com/e-ti-farias-audios-mp3_rf_102152018_1.html

Eva e Miriam: https://www.ivoox.com/o-aire-do-lobo-rigoberto-audios-mp3_rf_103997639_1.html

Noa, Vega, Daniela, Lucía e Iván: https://www.ivoox.com/isto-non-e-unha-selva-audios-mp3_rf_104539734_1.html

Eloy, Iria e Alex: https://www.ivoox.com/a-montana-libros-mais-alta-do-mundo-audios-mp3_rf_104648381_1.html

Lidia e Anna: https://www.ivoox.com/a-cocineira-do-rei-audios-mp3_rf_104756046_1.html

NOVO PROXECTO DE INVESTIGACIÓN EN 4ºA- Primaria

 O alumnado de 4º é experto en traballos por proxectos. Despois do intenso traballo do primeiro trimestre sobre o corpo humano, comezan novo proxecto sobre os animais. Coma sempre seleccionaron unha chea de libros de animais da nosa biblioteca que levaron emprestados para a súa aula. Pronto saberemos máis sobre o que están a facer.

Preme na imaxe para ver o documento que resume o que comezaron a facer: investigación en libros, en internet a través de códigos QR, cubrir fichas, selección de imaxes, xogos de busca de fósiles, observación de radiografías de animais...

VISITA DE EVA GONDAR REY

 

Galería de fotos

O alumnado de 6º de Educación Primaria recibiu hoxe á mañá a visita da escritora Eva Gondar Rey. Durante o primeiro trimestre unha das lecturas que fixeron no Plan de Lectura foi un dos libros desta escritora grovense: "El desván de Ary".

Na visita, a escritora fixo lectura de poesías e adiviñas doutros libros que ela xa escribira con anterioridade a este libro. Despois falaron da novela e lle fixeron unha chea de preguntas. Finalmente catro representantes foron a radio escolar para facerlle unha entrevista. Podedes escoitar o podcast na nosa canle de RADIO V.I., no programa de ENTREVISTAS.

Deixamos aquí o enlace directo ao podcast. Recorda esperar uns segundos despois de darlle a Reproducir.

https://www.ivoox.com/entrevista-a-eva-gondar-audios-mp3_rf_101790269_1.html