LEMOS ATA PARA ESPERAR O BUS

 A espera do autobús ás veces faise longa pero os nosos pequerrech@s de Educación Infantil saben moi ben aproveitar o tempo.

Un venres na saída do cole

NOVO EPISODIO NO ENGLISH PROGRAME EN RADIO V.I.

 

O alumnado de 6º de Educación Primaria fala do seu país no Programa de Inglés que emiten en Radio V.I. No seguinte enlace podedes escoitar a Sabela, Kayla, Diego, Matías e Alejandra falando de España e Galicia e tamén escoitaredes a Sasha falando do seu país de nacemento, Inglaterra.

Enlace a RADIO V.I:  https://www.ivoox.com/about-my-country-audios-mp3_rf_67334391_1.html

OBRA DE TEATRO "O XIGANTE GANDULFO"

 Celebramos o Día do Teatro (27 de Marzo) cunha nova obra titulada "O Xigante Gandulfo". 

Non podemos xuntarnos todos na biblioteca como outros anos, pero o alumnado de 5º A preparou e gravou esta obra para que a poidades ver nas aulas e nas vosas casas.  Disfrutádea!

 

AUDIOCONTO NA RADIO DE 2º A

 

O alumnado de 2ºA de Educación Primaria realizou un audioconto polo Día dos Dereitos do Consumidor. Podédelo escoitar na nosa canle de RADIO V.I.

O escornabot vai de compras en Educación Infantil

 Con motivo da conmemoración do 15 de Marzo, Día dos Dereitos do Consumidor, esta semana o alumnado de 5º e 6º de Educación Infantil estiveron cos escornabots xogando ás tendas en pequenos grupos na biblioteca. Aprenderon a programar o pequeno robot e moito vocabulario relacionado coas tendas e os produtos que podemos mercar nelas. 

Preme na imaxe para ver a Galería de fotos

CONTACONTOS EN 3 ANOS

 

Hoxe na sesión de biblioteca de 4º de Educación Infantil, ademáis de facer os préstamos de libros, aproveitamos para contarlles o conto de Crispín, el cerdito que lo tenía todo do autor Ted Dewan, traballando deste modo a conmemoración dos Dereitos do Consumidor, educando na nosa obriga de ser consumidores responsables e de valorar as amizades máis ca cantidade de obxectos que temos. Logo falamos do conto e cada un imaxinou que podería facer cunha caixa de cartón baleira coma a de Crispín.

GUÍA DE ORIENTACIÓNS PARA AS FAMILIAS

 

A Deputación de Pontevedra e a Asociación Socio Pedagóxico Galega acaban de editar a guía: A familia, núcleo das primeiras aprendizaxes. Como non temos exemplares para toda a comunidade educativa, o Equipo de Biblioteca decidiu incluíla na mochila viaxeira que todos os nenos e nenas de Primaria levan para a casa. Nesta guía  podedes atopar temas como a motivación, a disciplina, a lectura, as emocións, a xestión de conflitos, e a educación afectivo sexual. Esperamos que sexa do voso interese.

Quedan dous exemplares na biblioteca a disposición dos usuarios.

SEMANA DA PRENSA E 8 M

 

O Equipo de Biblioteca preparou o mural Mulleres que son noticia para conmemorar o Día da muller (8 de Marzo) e a Semana da prensa (do 8 ao 12 de Marzo). 

Tamén podedes atopar máis recursos para traballar nesta semana no taboleiro de Pinterest e na pestana SEMANA DA PRENSA.

ROSALÍA DE CASTRO NAS VOCES DO NOSO ALUMNADO

 Alumnado de 3º de Educación Primaria preparou un poema de Rosalía de Castro para recitar no noso Programa de Poesía en RADIO V.I. Podédelo escoitar no seguinte enlace:

https://www.ivoox.com/adios-rios-adios-fontes-audios-mp3_rf_66335344_1.html

ESCORNABOTS MATEMÁTICOS EN 2º PRIMARIA

 

Galería de fotos 

E os escornabots chegaron a 2º de Primaria para repasar a suma. Empregamos o dado dixital on-line para tirar dados e sumar dúas cantidades, despois programar o escornabot para que chegue ao resultado correcto da suma. 

RECURSOS E ACTIVIDADES PARA O DÍA DA MULLER, 8 DE MARZO

 No Equipo de Biblioteca seleccionamos varios recursos que podedes empregar para traballar o Día da Muller:

- Albúm de imaxes dos fondos bibliográficos actualizado.

- Carpeta de recursos atopados en Internet listos para imprimir (Cómic, Xogos de cartas, Libros informativos...)

- Xogo de Mulleres Olímpicas e paraolímpicas para escornabot  composto de plantilla e tarxetas coa información sobre as deportistas. (Podedelo pedir á responsable da biblioteca).

Por outra banda temos en marcha varias ACTIVIDADES:

- Proposta ás familias por Abalar para que nos envíen ao correo biblio@vinclan.com fotos das mulleres facendo deporte co obxectivo de elaborar un vídeo relacionado co Proxecto Ardia 2021 de todas para o 8 de Marzo.

- Exposición Mural na entrada do colexio sobre "Mulleres que son noticia" (Elaborado polo Equipo de biblioteca)

- Exposición de traballos artísticos do alumnado de 1º e 2º de Educación Primaria "Retratos de mulleres importantes".

Na pestana MULLER atoparedes as actividades feitas en cursos anteriores.

Ciencias Divertidas en 6º Primaria

 

GALERÍA DE FOTOS

O alumnado de 6º de Educación Primaria estivo a visualizar cos microscopios os diferentes tipos de células e tecidos que están a estudar na área de Ciencias Naturais.