SOLUCIÓNS DO XOGO DE XEOGRAFÍAS LECTORAS

O alumnado de 1º e 2º desvela as solucións do Xogo das Xeografías lectoras por Europa escribindo nos seus debuxos o título e o nome do autor dos contos ilustrados. Preme na imaxe para ver todas as solucións.

 

PLANTANDO E REGANDO

Ao noso alumnado encántalle ir ao horto escolar, proxecto que naceu no 2016 con Mans de terra e que continúa a día de hoxe. Os diferentes cursos foron limpando as malas herbas das súas parcelas e plantando todo tipo de vexetais. Os de primeiro teñen ata un espantallo!!!

Galería de fotos

MURAL COLABORATIVO SOBRE XELA ARIAS

 Con motivo da celebración do Día das Letras Galegas 2021, o Equipo de Dinamización da Lingua Galega fixo unha nova proposta a todos os cursos de Infantil e Primaria: un mural colaborativo sobre a autora Xela Arias, a quen se adica este ano o Día das Letras Galegas. Cada grupo tiña que atopar as respostas ás preguntas que lles propuxeron dende o EDLG e presentalas na súa cartolina. Pola súa parte, o Equipo de Biblioteca seleccionou os libros da biblio e recursos atopados en internet a través da pestana que adicamos a este día. Este foi o resultado das investigacións. Noraboa a tod@s polo traballo!!

Preme na imaxe do mural para ver mellor todos os traballos.

Nova recomendación lectora en Radio VI

O alumnado de 6º A de Educación Primaria leron no Plan lector o libro titulado " Lúa en Ningures" da autora Beatriz Maceda. Jose e Alejandra nolo contan na radio.

 

https://www.ivoox.com/recomendacion-lectora-jose-audios-mp3_rf_70309300_1.html

Cómics de 5ºA

 Alumnado de 5º A elaborou estes cómics con temas variados e unhas ilustracións fabulosas.

Podedes velos no seguinte enlace:

DÍA INTERNACIONAL DA RISA

 Alumnado de 4º de Educación Infantil fixo un novo episodio de radio sobre o Día Internacional da risa. Podedes escoitalos en:

https://www.ivoox.com/dia-internacional-risa-audios-mp3_rf_69686802_1.html

XEOGRAFÍAS LECTORAS POR EUROPA

O Equipo de Biblioteca preparou un mural para conmemorar o Día de Europa (9 de Maio) na entrada do cole de 1º e 2º de Educación Primaria sobre Contos Europeos. Estes cursos fixeron debuxos dos personaxes dos contos coa profe Alba na clase de Plástica e os atoparás neste mural.

 Sabedes o título e o autor destes contos? Podedes contestar en "comentarios".

Preme na imaxe para ampliar a foto

Galería de fotos dos debuxos

Se non sabedes as respostas podedes indagar no seguinte Genially premendo na imaxe do mapa:

Para saber máis sobre esta conmemoración, visita a nosa pestana EUROPA.

RECOMENDACIÓNS LECTORAS DÍA DO LIBRO

 

Vídeo con recomendacións lectoras dos nosos alumnos e alumnas polo Día do libro organizado polos Equipos de Dinamización da Lingua Galega e de Biblioteca.

VIDEOCONFERENCIA COA EDITORIAL PATAS DE PEIXE

 Outra das actividades que organizamos no cole polo Día do libro, foi unha videoconferencia coa Editorial Patas de peixe. Daniela, que leva a parte administrativa da empresa e nai de dous alumnos do centro, ofreceunos a posibilidade de facer esta videoconferencia e presentounos a Laura Saez, a súa compañeira de traballo e que se encarga da parte creativa. 

Nesta videoconferencia, Laura falounos dos inicios da Editorial Patas de Peixe, como funciona e cantas persoas se precisan para chegar a editar un libro. Daniela, pola súa parte, falounos da súa función administrativa e publicitaria e que a pesares de que internet é unha ferramenta máis para vender libros, defende e xustifica a necesidade de acudir as librerías locais para poder ver, tocar e sentir os libros. Moitas grazas a Laura e Daniela pola súa colaboración. A sesión foi todo un éxito!