CONTACONTOS POLA PAZ

Galería de fotos

O alumnado axudante voluntario de biblioteca foi ás clases de Educación Infantil a lerlles contos sobre a paz.
Se queres ver máis actividades visita a pestana adicada á Paz.

SESIÓN DE ESCORNABOTS NA BIBLIO

Hoxe o alumnado de 1º de Educación Primaria presentounos na sesión de biblioteca un novo xogo para usar cos escornabots e aprender ao mesmo tempo as horas do reloxo. 

Aproveitaron para xogar tamén con outras plantillas e xogos do curso pasado. Xa son uns expertos programando os nosos pequenos escornabots.

AXUDANTES DE BIBLIO ORGANIZANDO OS XOGOS DE MESA

Os axudantes de biblioteca están a organizar os xogos de mesa que temos para o tempo de lecer. Primeiro fixeron un listado dos xogos, despois comezaron a revisar os dossiers coas instruccións e  a elaborar fichas informativas máis sinxelas para os máis pequenos de Educación Primaria. 

Axiña comezarán os obradoiros de xogos de mesa. 

Estade ben atentos!

CONTINUIDADE DE PROXECTOS

Organizado xa o calendario de plantación do horto grazas ao Equipo de Actividades Extraescolares. Consulta o taboleiro na sala de mestres para darlle continuidade ó noso proxecto Mans de terra do curso 2016-2017.

FORMACIÓN DE MESTRES

Os mestres tamén seguemos a aprender e esta semana tivemos dúas sesións de formación: a primeira, na tarde do martes, sobre o funcionamento do Croma  coa colaboración do equipo de TICS e a segunda, na tarde do mércores, sobre o funcionamiento e usos da impresora 3D que acabamos de mercar para a aula Maker grazas á participación do noso centro no proxecto Biblioteca Creativa. 

TEATRO NA BIBLIO

Por fin chegou o día da actuación de teatro dos nenos e nenas do club de lectura. Fixeron un primeiro pase para o alumnado de 4º, 5º e 6º de Ed. Primaria e despois un segundo pase para o alumnado de Ed. Infantil e 1º, 2º e 3º de Ed. Primaria.

Xa podes ver no seguinte video un dos pases.

TODO LISTO PARA A GRAN ACTUACIÓN!

Esta semana os nenos e nenas do Club de lectura están a facer os últimos ensaios antes da gran actuación de teatro que terá lugar na biblioteca o xoves, día 23.

NOVAS PUBLICACIÓNS NA RADIO

O alumnado de 4º A inaugura as gravacións deste curso na radio escolar. Trátase dun programa de historias ou contos inventados polo alumnado . Estas primeiras historietas están relacionadas co proxecto documental deste curso: Ardia2020  ( As olimpiadas e os deportes).
 Preme na imaxe para acceder ao noso canal.

Robótica e Bee-bot en INFANTIL

GALERÍA DE FOTOS

O alumnado de Infantil aprende os números ao mesmo tempo que traballa a programar o seu Bee-bot. 

CHEGA O PAPAGAIO DE XANEIRO!

Repartimos o xornal O papagaio do mes de Xaneiro pola aulas de Primaria. Tamén tedes un exemplar  na biblioteca e outro no recuncho das familias. Disfrutádeo!

PREPARANDO O DÍA DA PAZ

Os axudantes de biblioteca xa estiveron a seleccionar libros informativos e contos para traballar o Día da paz e a non violencia escolar. Se queres atopar máis información visita a pestana PAZ.

NOVIDADES NO EXPOSITOR DO PROXECTO

Temos unha chea de novos exemplares no expositor do proxecto ARDIA 2020. Nos esquezas pasar pola biblio e levar emprestados os que máis che gusten.

CURSO DE PRIMEIROS AUXILIOS

Comezamos o primeiro día de clase despois das vacacións de Nadal co curso de Primeiros Auxilios dirixidos polo equipo de Emerxencias de O Grove.  Hoxe as clases teóricas e prácticas foron para o alumnado de 5º de Educación Primaria. O venres volverán para traballar co alumnado de 6º de Ed. Primaria.